|
ຈີນສະແດງຄວາມບໍ່ພໍໃຈຢ່າງຮຸນແຮງຕໍ່ຍີ່ປຸ່ນກີດຂວາງສະຫະພາບເອີລົບຍົກເລີກຄຳສັ່ງຫ້າມຂາຍອາວຸດໃຫ້ຈີນ
cri
Author: cai
ຕາມຂ່າວCRI:ວັນທີ 18 ມັງກອນນີ້,ຢູ່ປັກກິ່ງ,ທ່ານລີວຈ້ຽນຊ່າວ ໂຄສົກກະຊວງການຕ່າງປະເທດຈີນເວົ້າວ່າ,ຝ່າຍຈີນສະແດງຄວາມບໍ່ພໍໃຈຢ່າງຮຸນແຮງຕໍ່ຍີ່ປຸ່ນກີດຂວາງສະຫະພາບເອີລົບຍົກເລີກຄຳສັ່ງຫ້າມຂາຍອາວຸດໃຫ້ຈີນ,ກ່ຽວກັບບັນຫານີ້,ຝ່າຍຈີນໄດ້ສະແດງຄວາມສົນໃຈຢ່າງຮຸນແຮງຕໍ່ຍີ່ປຸ່ນໂດຍຜ່ານຊ່ອງທາງການທູດ.
ໃນກອງປະຊຸມຖະແຫຼງຂ່າວທີ່ຈັດຂຶ້ນໃນວັນທີ 18 ມັງກອນນີ້,ທ່ານລີວຈ້ຽນຊ່າວເວົ້າວ່າ,ທີ່ຈິງແລ້ວ,ບັນຫາສະຫະພາບເອີລົບຍົກເລີກຄຳສັ່ງຫ້າມຂາຍອາວຸດໃຫ້ຈີນນັ້ນແມ່ນເລື່ອງລະຫວ່າງຈີນກັບສະຫະພາບເອີລົບ,ບໍ່ມີການຜົນພັນຈັກເມັດກັບຍີ່ປຸ່ນ,ກໍ່ບໍ່ໄດ້ສ້າງການຂົ່ມຂູ່ໃດໆຕໍ່ຍີ່ປຸ່ນ.ໃຕ້ສະພາບການປະຈຸບັນ,ຝ່າຍຈີນຫວັງໃຫ້ຍີ່ປຸ່ນຈົ່ງເຮັດເລື່ອງທີ່ມີຜົນປະໂຫຍດຕໍ່ການປົວແປງແລະການຂະຫຍາຍການພົວພັນລະຫວ່າງສອງປະເທດໃຫ້ຫຼາຍເທົ່າທີ່ຈະຫຼາຍໄດ້,ຫາກບໍ່ແມ່ນສ້າງຄວາມຫຍຸ້ງຍາກຫຼາຍກວ່າເກົ່າ,ນີ້ຈຶ່ງສອດຄ່ອງກັບຜົນປະໂຫຍດຮ່ວມຂອງຈີນແລະຍີ່ປຸ່ນ.
ໂດຍແນໃສ່ການກະທຳໃໝ່ຈຳນວນໜຶ່ງຂອງຍີ່ປຸ່ນໃນຂົງເຂດການທະຫານຫວ່າງມໍ່ໆນີ້,ທ່ານລີວຈ້ຽນຊ່າວເວົ້າວ່າ,ການກະທຳທີ່ກ່ຽວຂ້ອງຂອງຝ່າຍຍີ່ປຸ່ນໄດ້ພາໃຫ້ປະເທດອ້ອມຂ້າງຈຳນວນໜຶ່ງເຊິ່ງລວມທັງຈີນສົນໃຈນຳ.ຝ່າຍຈີນຫວັງໃຫ້ຍີ່ປຸ່ນຈົ່ງຍຶດໝັ້ນເດີນຕາມເສັ້ນທາງພັດທະນາໂດຍສັນຕິ,ນີ້ສອດຄ່ອງກັບຜົນປະໂຫຍດພື້ນຖານຂອງຍີ່ປຸ່ນ,ຍັງມີຜົນປະໂຫຍດຕໍ່ສັນຕິພາບ ສະຖຽນລະພາບແລະການພັດທະນາຂອງພາກພື້ນແຫ່ງນີ້.
|
|
