|
|
 |
| (GMT+08:00)
2007-01-19 17:28:14
|
 |
|
ຜູ້ແທນຂອງ 29 ປະເທດສຳມະນາການພັດທະນາພະລັງງານຕາເວັນຂອງປະເທດພວມພັດທະນາ
cri
Author: cai
ຕາມຂ່າວສານຊີນຮວາ:ວັນທີ 18 ມັງກອນນີ້,ຜູ້ແທນທີ່ມາຈາກ 29 ປະເທດຂອງອາຊີ ອາຟຼິກາ ເອີລົບແລະພາກພື້ນປາຊີຟິກໃຕ້ໄດ້ເຕົ້າໂຮມກັນຢູ່ເມືອງລານໂຈ່ ພາກຕາເວັນຕົກສຽງເໜືອຂອງຈີນ,ສຳມະນາບັນຫາທີ່ປະເທດພວມພັດທະນາປະເຊີນໜ້າໃນຂົງເຂດພະລັງງານຕາເວັນ.
ຜູ້ແທນຂອງປະເທດຕ່າງໆທີ່ເຂົ້າຮ່ວມງານສຳມະນາສາກົນເທື່ອນີ້ມີຜູ້ຊ່ຽວຊານ ນັກປາດ ເຈົ້າໜ້າທີ່ລັດຖະບານແລະນັກວິສາຫະກິດເປັນຕົ້ນລວມ 140 ກວ່າຄົນ,ໃນການສຳມະນາເປັນເວລາ 2 ມື້,ພວກທ່ານນອກຈາກຈະແນະນຳສະພາບການປະຈຸບັນຂອງການພັດທະນາພະລັງງານທີ່ໃຊ້ຄືນໃໝ່ໄດ້ເຊັ່ນພະລັງງານຕາເວັນເປັນຕົ້ນແລະບັນຫາທີ່ມີຢູ່ຂອງປະເທດຕົນແລ້ວ,ຍັງຈະສຳມະນາບັນຫາທີ່ປະເທດພວມພັດທະນາສົນໃຈນຳກັນແລະຄວາມຫຍຸ້ງຍາກທີ່ປະເຊີນໜ້າໃນດ້ານການພັດທະນາພະລັງງານທີ່ໃຊ້ຄືນໃໝ່ໄດ້.
ຜູ້ຊ່ຽວຊານ ເຈົ້າໜ້າທີ່ລັດຖະບານແລະນັກວິສາຫະກິດດ້ານພະລັງງານຕາເວັນຂອງຈີນເວົ້າວ່າ,ຈີນໄດ້ກຳເຕັກນິກແລະບົດຮຽນຫຼາຍໃນດ້ານການພັດທະນາພະລັງງານຕາເວັນ,ຍິນດີຊົມໃຊ້ນຳກັນກັບປະເທດພວມພັດທະນາອື່ນໆ,ແລະຫາລືບັນຫາຕ່າງໆທີ່ສົນໃຈນຳກັນ.
|
|
|
