|
ຕາມຂ່າວສານຊິນຮວາ,ກອງປະຊຸມວຽກງານການທະນາຄານທົ່ວປະເທດຈີນໄດ້ຈັດຂຶ້ນຢູ່ປັກກິ່ງແຕ່ວັນທີ19ຫາວັນທີ20ມັງກອນນີ້.ໃນກອງປະຊຸມ,ທ່ານເວິນເຈ່ຍປາວ ນາຍົກລັດຖະມົນຕີຈີນກ່າວວ່າ,ຈີນຈະຊຸກຍູ້ການໄຂປະຕູສູ່ພາຍນອກຂອງຂະແໜງການທະນາຄານຢ່າງຕັ້ງໜ້າແລະໜັກແໜ້ນ,ຊຸກຍູ້ທະນາຄານຂອງຈີນແລະຕ່າງປະເທດແຂ່ງຂັນກັນຢ່າງທ່ຽງທຳ.
ທ່ານເວິນເຈ່ຍປາວຊີ້ອອກວ່າ,ແຕ່ປີ2002ມານີ້,ວຽກງານການທະນາຄານຂອງຈີນໄດ້ຮັບຜົນງານທີ່ດີເດັ່ນ,ແຕ່ປັດຈຸບັນຍັງມີຄວາມຂັດແຍ່ງແລະບັນຫາບໍ່ໜ້ອຍ,ຕົ້ນຕໍແມ່ນລະບົບທະນາຄານບໍ່ສົມບູນ,ອົງປະກອບການທະນາຄານບໍ່ສົມເຫດສົມຜົນ,ລາຍຮັບລາຍຈ່າຍສາກົນບໍ່ດຸນດ່ຽງກັນຢ່າງຮ້າຍແຮງຂຶ້ນຕື່ມ,ຄວາມສ່ຽງດ້ານການທະນາຄານຍັງມີຢູ່ບໍ່ໜ້ອຍ.
ທ່ານເວິນເຈ່ຍປາວກ່າວວ່າ,ໃນຕໍ່ໜ້າ,ຈີນຈະສືບຕໍ່ລົງເລິກການປະຕິຮູບທະນາຄານຂອງລັດ,ເລັ່ງລັດການສ້າງລະບອບທະນາຄານຍຸກປັດຈຸບັນ,ສົ່ງເສີມແລະສະໜັບສະໜູນການພັດທະນາອົງການທະນາຄານກຳມະສິດຫຼາຍຊະນິດທີ່ສອດຄ່ອງກັບຄວາມຕ້ອງການຂອງຊົນນະບົດ,ບົ່ມເພາະອົງການສິນເຊື່ອຈຳນວນໜ້ອຍທີ່ມີຫຼາຍຮູບການ,ບູລະນະກົນໄກຈໍ່ຕົວເປັນອັດຕາແລກປ່ຽນເງິນຢວນໃຫ້ສົມບູນຂຶ້ນຕື່ມ,ໃຊ້ມາດຕະການສັງລວມເພື່ອຊຸກຍູ້ໃຫ້ລາຍຮັບລາຍຈ່າຍສາກົນດຸນດ່ຽງກັນໂດຍພື້ນຖານ,ຍົກສູງຄວາມສາມາດຕິດຕາມຄຸ້ມຄອງການທະນາຄານແລະເພີ່ມຄວາມແຮງໃນວຽກງານຕ້ານການຟອກເງິນ.
|
