ຕາມ​ໜັງສືພິມ​ເຢິນມິນ​ຢື້​ປ້າວ​ຂອງ​ຈີນ,​ອຸມົງ​ທາງ​ຫຼວງສິນ​ຫຼິງ​ຈົ່ງ​ນານ​ຊ່ານ​ທີ່​ຍາວ​8,02​ກິ​ໂລ​ແມັດ​ໄດ້​ເປີດ​ໃຫ້​ແລ່ນ​ລົດ​ຢ່າງ​ເປັນ​ທາງ​ການ​ໃນ​ວັນ​ທີ​20​ມັງ​ກອນ​ນີ້.​ກຳ​ມະ​ກອນ​ແລະ​ພະ​ນັກ​ງານ​ເຕັກນິກ​ວິສະວະກຳ​ຂອງ​ຈີນ​ໄດ້​ໃຊ້​ເວ​ລາ​4​ປີ​ແລະ​9​ເດືອນ​ກວ່າ​ຈິ່ງ​ສ້າງ​ອຸ​ມົງ​ດັ່ງ​ກ່າວ​ໃຫ້​ສຳ​ເລັດ,​ເຊິ່ງ​ເຮັດ​ໃຫ້​ພູ​ສິນ​ຫຼິງ​ທີ່​ເປັນ​ເສັ້ນ​ແບ່ງ​ພາກ​ເໜືອ​ແລະ​ພາກ​ໃຕ້​ທາງ​ພູ​ມີ​ພາກ​ຂອງ​ຈີນ​ມີ​ທາງ​ຫຼວງ​ຊອດ​ຜ່ານ​ແລ້ວ.

ນີ້​ແມ່ນ​ອຸມົງ​ທາງ​ຫຼວງ​ສອງ​ຮູ​ສຳລັບ​ລົດ​ແລ່ນ​ທິດ​ດຽວ​ທີ່​ຍາວ​ກວ່າ​ໝູ່​ໃນ​ໂລກ ​ເຊິ່ງ​ແມ່ນ​ຈີນ​ອອກ​ແບບ​ແລະ​ກໍ່ສ້າງ​ເອົາ​ເອງ.​ຂີ່​ລົດ​15​ນາ​ທີ​ກໍ​ສາ​ມາດ​ຜ່ານ​ພູ​ສິນ​ຫຼິງ​ທີ່​ເມື່ອ​ກ່ອນ​ເປັນ​ອຸ​ປະ​ສັກ​ທຳ​ມະ​ຊາດ​ນັ້ນ​ໄດ້.​ອຸມົງ​ທາງ​ຫຼວງ​ສິນ​ຫຼິງ​ຈົ່ງ​ນານ​ຊ່ານ​ແມ່ນ​ອຸ​ມົງ​ທາງ​ຫຼວງ​ຊອດ​ພູ​ຍາວ​ພິ​ລຶກ​ທີ່​ມີ​ສອງ​ຮູ​ສຳ​ລັບ​ລົດ​ແລ່ນ​ທິດ​ດຽວ​ແຫ່ງ​ທຳ​ອິດ​ໃນ​ໂລກ​ປັດ​ຈຸ​ບັນ,​ມີ​ຂະ​ໜາດ​ການ​ກໍ່ສ້າງ​ເປັນ​ທີ​ໜຶ່ງ​ໃນ​ໂລກ.