|
|
 |
| (GMT+08:00)
2007-01-22 15:47:05
|
 |
|
ທາງລົດໄຟຊິງຫາຍຕິເບດສະແດງໃຫ້ເຫັນອິດທິພົນຮອບດ້ານໃນເບື້ອງຕົ້ນ
cri
Author: mo
ຕາມຂ່າວCRI: ທາງລົດໄຟຊິງຫາຍຕິເບດທີ່ເລີ່ມແລ່ນລົດຢ່າງເປັນທາງການແຕ່ວັນທີ 1 ກໍລະກົດປີ 2006ນັ້ນໄດ້ສະແດງໃຫ້ເຫັນອິດທິພົນຮອບດ້ານຕໍ່ການພັດທະນາເສດຖະກິດສັງຄົມຂອງເຂດຕິເບດ.
ນັບມາຮອດທ້າຍປີ 2006, ທາງລົດໄຟຊິງຫາຍຕິເບດໄດ້ຂົນສົ່ງຜູ້ໂດຍສານ 1 ລ້ານ 1 ແສນ 8 ໝື່ນເທື່ອຄົນ, ສິນຄ້າ 1 ລ້ານ 1 ແສນ 6 ໝື່ນໂຕນ, ໄດ້ຊຸກຍູ້ເສດຖະກິດສັງຄົມຂອງແຂວງຊິງຫາຍແລະເຂດຕິເບດພັດທະນາຢ່າງແຂງແຮງ. ການໄຂທາງລົດໄຟຊິງຫາຍຕິເບດໃຫ້ລົດແລ່ນ, ຍັງໄດ້ຊຸກຍູ້ການພັດທະນາການທ່ອງທ່ຽວຂອງເຂດຕິເບດ, ແຕ່ເດືອນກໍລະກົດຮອດເດືອນທັນວາປີກາຍນີ້, ເຂດຕິເບດໄດ້ຮັບຕ້ອນນັກທ່ອງທ່ຽວ 1 ລ້ານ 8 ແສນ 6 ໝື່ນເທື່ອຄົນ, ເພີ່ມຂຶ້ນຫຼາຍກວ່າໄລຍະດຽວກັນຂອງປີ 2005 ເກືອບ 50%. ການພັດທະນາຂອງການທ່ອງທ່ຽວຍັງໄດ້ຊັກຈູງອຸດສາຫະກຳທີ່ກ່ຽວຂ້ອງເຊັ່ນການກິນດື່ມ ໂທລະຄົມ ການເງິນ ແລະຄົມມະນາຄົມຂອງທ້ອງຖິ່ນຈະເລີນຮຸ່ງເຮືອງຂຶ້ນ. ທາງລົດໄຟຊິງຫາຍຕິເບດເປີດໃຫ້ລົດແລ່ນຍັງເຮັດໃຫ້ຕົ້ນທຶນຂົນສົ່ງດ້ານການຄ້າກັບພາຍນອກຂອງເຂດຕິເບດໄດ້ຫຼຸດລົງຢ່າງຫຼວງຫຼາຍ, ເຮັດໃຫ້ຕົ້ນທຶນໂດຍລວມຂອງການພັດທະນາເສດຖະກິດຂອງເຂດຕິເບດກໍໄດ້ຫຼຸດໜ້ອຍລົງຢ່າງຫຼວງຫຼາຍ.
|
|
|
