|
|
 |
| (GMT+08:00)
2007-01-23 11:46:15
|
 |
|
ດ່ານພາສີຈີນຍຶດໄດ້ສິນຄ້າທີ່ລ່ວງລະເມີດສິດຊັບສິນທາງປັນຍາ200ລ້ານຢວນ
cri
ຕາມຂ່າວສານຊິນຮວາ,ວັນທີ22ມັງກອນນີ້,ນັກຂ່າວໄດ້ຊາບຈາກກົມໃຫຍ່ພາສີຈີນວ່າ,ປີ2006,ດ່ານພາສີຈີນໄດ້ມ້າງຄະດີສິນຄ້າຂາເຂົ້າຂາອອກທີ່ລ່ວງລະເມີດສິດຊັບສິນທາງປັນຍາປະເພດຕ່າງໆ2473ຄະດີ,ມີມູນຄ່າຫຼາຍກວ່າ200ລ້ານຢວນ.
ໂດຍແນໃສ່ສະພາບການທີ່ຜູ່ກ່ຽວສົ່ງອອກສິນຄ້າທີ່ລ່ວງລະເມີດສິດໂດຍຜ່ານຈາກທາງໄປສະນີແລະຝາກດ່ວນ,ປີກາຍນີ້,ກົມໃຫຍ່ພາສີຈີນໄດ້ເພີ່ມຄວາມແຮງໃນການກວດກາວັດສະດຸແລະສິນຄ້າຂາອອກທີ່ກ່ຽວພັນເຖິງສິດຊັບສິນທາງປັນຍາ,ຕໍ່ສິນຄ້າຫຍີ່ຫໍ້ດັງທີ່ຮ້ອງຂໍສົ່ງອອກລ້ວນແຕ່ຈະເປີດເຄື່ອງຫຸ້ມຫໍ່ແລະກວດກາ100%.
ຍ້ອນໄດ້ກວດກາແລະມ້າງຄະດີລ່ວງລະເມີດສິດຊັບສິນທາງປັນຍາຢ່າງຫຼວງຫຼາຍ,ຈິ່ງໄດ້ສະກັດກັ້ນການກະທຳຜິດກົດໝາຍຂອງສິນຄ້າຂາເຂົ້າຂາອອກທີ່ລ່ວງລະເມີດສິດຢ່າງບັງເກີດຜົນ.ປັດຈຸບັນ,ໃນເວລາຮັບໃບສັ່ງຈອງການປຸງແຕ່ງສິນຄ້າທີ່ກຳນົດຫຍີ່ຫໍ້,ວິສາຫະກິດຫຼວງຫຼາຍລ້ວນແຕ່ສາມາດເປັນເຈົ້າການຊອກຫາສະພາບສິດຊັບສິນທາງປັນຍາຂອງສິນຄ້າ,ແລ້ວໄດ້ຫຼີກລ່ຽງບໍ່ໃຫ້ເກີດມີການລ່ວງລະເມີດສິດຢ່າງບໍ່ຮູ້ສຶກຕົວ.
|
|
|
