ຕາມ​ຂ່າວCRI:ວັນ​ທີ23​ມັງກອນ​ນີ້,ຄະນະ​ກຳ​ມະການ​​ການພັດທະນາ​ແລະການ​ປະຕິ​ຮູບ​ແຫ່ງ​ລັດ​ຈີນ​ເຜີຍ​ໃຫ້​ຮູ້​ວ່າ,ຈີນຈະສົ່ງ​ເສີມ​ກຸ່​ມບໍ​ລິ​ສັດ​ຖ່ານ​ຫີນ​ຂະໜາດ​ໃຫຍ່,ສັບ​ຊ້ອນ​​ແລະ​ປັບປຸງ​ບໍ່​ຖ່ານ​ຫີນ​ຂະ​ໜາດ​ກາງ​ແລະ​ນ້ອຍ,ຍົກ​ລະດັບ​ຂອງອຸດ​ສາຫະກຳ​ຖ່ານ​ຫີນ​.

ຄະນະ​ກຳມະການ​​ການພັດທະນາ​ແລະການ​ປະຕິ​ຮູບ​ແຫ່ງ​ລັດ​ຈີນ​ປະກາດ​ຂ່າວວ່າ,​ໃນ​ຫຼາຍ​ປີ​ຂ້າງ​ໜ້າ​ນີ້,ຈີນ​ຈະ​ນຳ​ໃຊ້​ເຕັກ​ນິກທີ່​ກ້າວໜ້າ​ທັນ​ສະ​ໄໝ,​ເລັ່ງລັດ​ສ້າງ​ບໍ່​ຖ່ານ​ຫີນ​ທັນ​ສະ​ໄໝ​ຂະໜາດ​ໃຫຍ່​ທີ່​ມີ​ຄວາມ​ປອດ​ໄພ​ແລະມີ​ປະສິດທິຜົນ​ສູງ,ອອກ​ແຮງ​ຊຸກ​ຍູ້​ບໍ່​​ຖ່ານ​ຫີນ​ຂະ​ໜາດ​ກາງ​ແລະ​ນ້ອຍ​ຜະລິດ​ດ້ວຍ​ກົນ​ຈັກ,ຢຸດຕິ​ການ​ຜະລິດ​ທີ່​ໃຊ້ອຸ​ປະກອນ​ທີ່​ຫຼ້າ​ຫຼັງ,ສະ​ພາບ​ຄວາມ​ປອດ​ໄພ​ໃນ​ການ​ຜະ​ລິດ​ດ້ວຍ​ບໍ່​ຖ່ານ​ຫີນຈະດີ​ຂຶ້ນ​ຢ່າງ​ຈະ​ແຈ້ງ.

ຕາມ​ແຜນການ​ຂອງ​ລັດຖະບານ​ຈີນ,ຜົນ​ຜະລິດ​ຖ່ານ​ຫີນ​ຂອງ​ຈີນ​ເມື່ອ​ຮອດ​ປີ2010​ຈະຖືກ​ຄວບ​ຄຸມ​ໃນ2​ຕື້600​ລ້ານ​ໂຕນ.

ຈີນ​ແມ່ນ​ປະ​ເທດ​ທີ່​ຜະລິດ​ຖ່ານຫີນ​ຫຼາຍ​ກວ່າ​ໝູ່​ໃນ​ໂລກ,ຖ່ານຫີນ​ແມ່ນ​ພະລັງ​ງານ​ຕົ້ນຕໍ​ຂອງ​ຈີນ.​ແຕ່​ປັດຈຸບັນ,ອຸດສາ​ຫະກຳ​ຖ່ານ​ຫີນ​ຂອງ​ຈີນ​ຍັງ​ມີ​ບັນຫາ​ຕ່າງໆ,​​ເຊັ່ນ,ລະບຽບ​ການ​ພັດ​ທະນາ​ຊັບພະ​ຍາ​ກອນ​ສົບ​ສົນ,ອັດ​ຕາ​ນຳ​​ໃຊ້​ຊັບພະ​ຍາກອນ​ຄືນ​ໃໝ່​ຕ່ຳ,ການ​ລົງທຶນ​​ໃນ​ການອະ​ນຸລັກ​ສິ່ງ​ແວດ​ລ້ອມ​ຂອງ​ເຂດ​ມີ​ໜ້ອຍເປັນ​ຕົ້ນ.