|
ຕາມຂ່າວCRI:ວັນທີ25ມັງກອນນີ້,ຢູ່ທີ່ປັກກິ່ງ,ທ່ານນາງມາຊິ້ວຮົງ ລັດຖະມົນຕີຊ່ອຍວ່າການກະຊວງການຄ້າຈີນກ່າວວ່າ,ເສດຖະກິດຈີນກັບສິງກະໂປຕ່າງຄ້ຳຊູເຊິ່ງກັນແລະກັນ,ໃນຫຼາຍຂົງເຂດ,ສອງປະເທດກໍ່ມີກຳລັງແຮງບົ່ມຊ້ອນໃນການຮ່ວມມືຢ່າງຫຼວງຫຼາຍ,ສອງຝ່າຍສາມາດບັນລຸການຮ່ວມມືທີ່ຕ່າງຝ່າຍຕ່າງມີຜົນປະໂຫຍດຫຼາຍກວ່າເກົ່າ.
ໃນເວລາເປັນປະທານຮ່ວມກັບທ່ານລິມເຮີງຄຽງ ລັດຖະມົນຕີວ່າການກະຊວງການຄ້າແລະອຸດສາຫະກຳຂອງສິງກະໂປໃນກອງປະຊຸມປະສົມຄັ້ງທີ1ຂອງຄະນະກຳມະການຊຸກຍູ້ການລົງທຶນຈີນກັບສິງກະໂປ,ທ່ານນາງມາຊິ້ວຮົງເວົ້າວ່າ,ສິງກະໂປແມ່ນຄູ່ຮ່ວມມືອັນສຳຄັນຂອງຈີນໃນດ້ານການຄ້າ,ການລົງທຶນແລະເຕັກນິກ,ຍອດມູນຄ່າການຄ້າລະຫວ່າງຈີນກັບສິງກະໂປໃນປີກາຍນີ້ໄດ້ຫຼາຍກວ່າ40ຕື້ໂດລາ.ນາງກ່າວວ່າ,ໃນຕໍ່ໜ້າ,ສອງຝ່າຍຈະເຮັດວຽກໃນດ້ານປັບປຸງວິທີຮ່ວມມືໃນດ້ານ,ເຕັກນິດຂໍ້ມູນຂ່າວສານໃຫ້ສົບບູນຂຶ້ນ,ຕັ້ງໜ້າເຂົ້າຮ່ວມກິດຈະກຳຊຸກຍູ້ການລົງທຶນທີ່ສຳຄັນແລະຕັ້ງໜ້າອຳນວນຄວາມສະດວກໃຫ້ວິສາຫະກິດຢ່າງດີເປັນຕົ້ນ.
ກ່ຽວກັບຂໍ້ສະເໜີຂອງຝ່າຍຈີນ,ທ່ານ ລິມເຮີງຄຽງເຫັນດີນຳ.ທ່ານເວົ້າວ່າ,ຝ່າຍສິງກະໂປຍິນດີສະໜອງການຊ່ອຍເຫືຼອແບບຂົວຕໍ່ເພື່ອໃຫ້ຈີນກັບອາຊີອາຄະເນແລະປະເທດພາກພື້ນອາຊີດຳເນີນການຮ່ວມມືເສດຖະກິດການຄ້າ.ຝ່າຍສິງກະໂປກໍ່ຍິນດີເພິ່ມການຕິດຕໍ່ພົວພັນກັບແຂວງແລະຕົວເມືອງຕ່າງໆຂອງຈີນ,ເປີດກວ້າງການແລກປ່ຽນ,ຂະຫຍາຍແລະຍົກສູງການພົວພັນເສດຖະກິດການຄ້າສິງກະໂປ-ຈີນໃຫ້ສູງຂຶ້ນຕື່ມອີກ.
|
