|
|
 |
| (GMT+08:00)
2007-01-28 18:06:14
|
|
ການຂົນສົ່ງທາງລົດໄຟຂອງຈີນມີປະສິດທິພາບສູງກວ່າໝູ່ໃນໂລກ
cri
Author: cai
ຕາມຂ່າວຈາກໜັງສືພິມ"ເຢີນມີນຢື້ປ້າວ":ຫວ່າງມໍ່ໆນີ້,ທ່ານວາງຢົງພີງ ໂຄສົກກະຊວງທາງລົດໄຟຈີນເຜີຍໃຫ້ຮູ້ວ່າ,ປີ 2006, ລວງຍາວທາງຂົນສົ່ງຂອງທາງລົດໄຟຈີນກວມທາງລົດໄຟທົ່ວໂລກພຽງ 6%,ແຕ່ໄດ້ສຳເລັດປະລິມານຂົນສົ່ງ 1 ສ່ວນ 4 ຂອງທາງລົດໄຟທົ່ວໂລກ,ມີປະສິດທິພາບສູງກວ່າໝູ່ໃນໂລກ.
ປີ 2006,ທາງລົດໄຟຂອງຈີນໄດ້ສ້າງອັນດັບທີໜຶ່ງຂອງໂລກໃນສາມດ້ານຄື ຈຳນວນຜູ້ໂດຍສານ ປະລິມານຂົນສົ່ງເຄື່ອງແລະຄວາມຖີ່ຂອງການຂົນສົ່ງທາງລົດໄຟ.ປີ 2006,ຈຳນວນຂົນສົ່ງຜູ້ໂດຍສານຂອງທາງລົດໄຟຈີນຫຼາຍກວ່າອິນເດຍເຊິ່ງເປັນອັນດັບທີສອງຂອງໂລກຢ່າງຫຼວງຫຼາຍ,ແລະເປັນ 3,8 ເທົ່າຂອງຍອດຈຳນວນຄົນໂດຍສານຂອງອາເມລິກາແລະຣັດເຊຍ.
ແຕ່ວ່າ,ທ່ານວາງຢົງພີງເວົ້າວ່າ,ຄວາມສາມາດການຂົນສົ່ງຂອງທາງລົດໄຟຈີນຍັງບໍ່ໄດ້ຕອບສະໜອງຄວາມຕ້ອງການຂອງການພັດທະນາດ້ານເສດຖະກິດແລະສັງຄົມແຫ່ງຊາດເທື່ອ.ທາງລົດໄຟຈີນຍັງຕ້ອງການເລັ່ງລັດພັດທະນາໄວກວ່າເກົ່າ.
|
|
|
