|
ວຽກງານສິດຊັບສິນທາງປັນຍາຂອງຈີນໄດ້ມີຄວາມກ້າວໜ້າຢ່າງໃຫຍ່ຫຼວງ
cri
ຕາມຂ່າວCRI,ວັນທີ30ມັງກອນນີ້,ຢູ່ທີ່ປັກກິ່ງ,ທ່ານອິນຊິ່ນທ່ຽນ ໂຄສົກກົມສິດຊັບສິນທາງປັນຍາແຫ່ງຊາດຈີນກ່າວວ່າ,ປີ2006,ວຽກງານທຸກອັນໃນດ້ານສິດຊັບສິນທາງປັນຍາຂອງຈີນໄດ້ມີຄວາມກ້າວໜ້າຢ່າງໃຫຍ່ຫຼວງ.
ໃນງານຖະແຫຼງຂ່າວທີ່ຈັດຂຶ້ນໃນມື້ດຽວກັນ,ທ່ານອິນຊິນທຽນກ່າວວ່າ,ປີ2006, ກົມສິດຊັບສິນທາງປັນຍາແຫ່ງຊາດຈີນໄດ້ຕັ້ງໜ້າເຮັດວຽກວາງຍຸດທະສາດສິດຊັບສິນທາງປັນຍາແຫ່ງຊາດ,ປັດຈຸບັນ,ໄດ້ຮັບໝາກຜົນເປັນແຕ່ລະບາດກ້າວ.ແຜນການ5ປີກ່ຽວກັບການພັດທະນາວຽກງານສິດຊັບສິນທາງປັນຍາທີ່ຮຽບຮຽງໂດຍກົມສິດຊັບສິນທາງປັນຍາແຫ່ງຊາດຈີນໄດ້ຖືກຈັດເຂົ້າໃນແຜນການສະເພາະຂອງລັດ.ນອກນີ້,ປະລິມານການຮ້ອງຂໍສິດທິບັດທີ່ຈີນຮັບເອົາມາພິຈາລະນານັ້ນໄດ້ເພີ່ມຂຶ້ນຢ່າງຕໍ່ເນື່ອງ.ນັບມາຮອດທ້າຍປີ2006,ຈີນໄດ້ຮັບເອົາການຮ້ອງຂໍສິດທິບັດຫຼາຍກວ່າ3ລ້ານສະບັບ,ໃນນັ້ນ,ສິດທິບັດດ້ານການປະດິດສ້າງໄດ້ກວມ1/3.ປັດຈຸບັນ,ປະລິມານສິດທິບັດດ້ານການປະດິດສ້າງທີ່ຈີນຮັບເອົາການຮ້ອງຂໍນັ້ນໄດ້ເປັນທີສີ່ໃນທົ່ວໂລກ.
|
|
