|
ແຂວງຢຸນນານຈີນເລັ່ງລັດສ້າງນາຍພາສາອາຊີອາຄະເນແລະອາຊີໃຕ້
cri
ຕາມຂ່າວສານຈີນ,ແຕ່ປີນີ້ເປັນຕົ້ນໄປ,ແຂວງຢຸນນານຈີນຈະໃຊ້ງົບປະມານ2ລ້ານຢວນຕໍ່ປີ,ເພື່ອຊ່ອຍເຫຼືອໂຮງຮຽນຊັ້ນສູງໃນແຂວງຢຸນນານເປີດຫ້ອງຮຽນພາສາຂອງປະເທດອາຊີອາຄະເນແລະອາຊີໃຕ້.
ທ່ານເຮີທ່ຽນຊຸນ ຫົວໜ້າພະແນກສຶກສາທິການແຂວງຢຸນນານແຈ້ງໃຫ້ຊາບວ່າ,ຍ້ອນວ່າອາຊຽນແມ່ນຕະຫຼາດການຄ້າໃຫຍ່ກວ່າໝູ່ຂອງແຂວງຢຸນນານໃນປະຈຸບັນ,ສະນັ້ນຈຶ່ງຕ້ອງການມີນາຍພາສາປະເທດອາຊີອາຄະເນແລະອາຊີໃຕ້.ສ່ວນການສ້າງນາຍພາສາເຫຼົ່ານີ້,ນອກຈາກການສິດສອນຢູ່ພາຍໃນປະເທດແລ້ວ,ຍັງຈະສົ່ງນັກສຶກສາໄປຮຽນຢູ່ປະເທດອາຊີອາຄະເນແລະອາຊີໃຕ້ອີກ.
ນອກນັ້ນ,ແຂວງຢຸນນານຍັງຈະຕັ້ງຫ້ອງພາສາຈີນຢູ່ໂຮງຮຽນມັດທະຍົມແລະໂຮງຮຽນປະຖົມຂອງປະເທດອ້ອມຂ້າງ,ແລະຕັ້ງສູນເຜີຍແຜ່ພາສາຈີນຫຼາຍແຫ່ງ,ແລະນຳໃຊ້ຕານ່າງສື່ມວນຊົນ, ສອນພາສາຈີນທາງອິນເຕິເນັດທີ່ຮັບໃຊ້ປະເທດ ອ້ອມຂ້າງ.
|
|
