|
ສະພາກາແດງຈີນຈະຊ່ອຍເຫຼືອເງິນສົດ2ໝື່ນໂດລາໃຫ້ອິນໂດເນເຊຍເພື່ອກູ້ໄພນ້ຳຖ້ວມ
cri
ຕາມຂ່າວCRI,ວັນທນີ6ກຸມພານີ້,ຢູ່ທີ່ປັກກິ່ງ,ນາງຈ່ຽງອີ ໂຄສົກກະຊວງການຕ່າງປະເທດຈີນກ່າວວ່າ,ເພື່ອຊ່ອຍເຫຼືອລັດຖະບານອິນໂດເນເຊຍກູ້ໄພນ້ຳຖ້ວມ,ສະພາກາແດງຈີນຈະສະໜອງເງິນຊ່ອຍເຫຼືອ2ໝື່ນໂດລາໃຫ້ແກ່ສະພາກາແດງອິນໂດເນເຊຍ.
ຫວ່າງມໍ່ໆນີ້,ຢາກາຕາແຫ່ງອິນໂດເນເຊຍໄດ້ເກີດໄພນ້ຳຖ້ວມຢ່າງໜັກໜ່ວງ,ເຊິ່ງພາໃຫ້36ຄົນເສຍຊີວິດ,3ແສນ4ໝື່ນຄົນບໍ່ມີທີ່ຢູ່ອາໄສ.ນາງຈ່ຽງອີເວົ້າວ່າ,ທ່ານຫຼີຈ້າວຊິ່ງ ລັດຖະມົນຕີວ່າການກະຊວງການຕ່າງປະເທດຈີນໄດ້ສົ່ງໂທລະເລກໄປຍັງລັດຖະມົນຕີການຕ່າງປະເທດຂອງອິນໂດເນເຊຍ,ເພື່ອສະແດງເຫັນໃຈຕໍ່ຜູ້ປະສົບໄພທຳມະຊາດອັນໜັກໜ່ວງຄັ້ງນີ້.
|
|
