|
ປີກາຍນີ້ ເຂດກວາງຊີຂອງຈີນໄດ້ຕ້ອນຮັບນັກທ່ອງທ່ຽວທີ່ມາຈາກປະເທດອາຊຽນ 4 ແສນເທື່ອຄົນ
cri
Author: sayvanny
ຕາມຂ່າວສານຊີນຮວາ: ກອງປະຊຸມວຽກງານການທ່ອງທ່ຽວເຂດກວາງຊີທີ່ຈັດຂຶ້ນໃນຫວ່າງມໍ່ໆນີ້ໄດ້ສະເຫນີຕົວເລກໃຫ້ຮູ້ວ່າ, ປີ 2006, ເຂດປົກຄອງຕົນເອງຂອງເຜົ່າຈ້ວງກວາງຊີຈີນໄດ້ຕ້ອນຮັບນັກທ່ອງທ່ຽວທີ່ມາຈາກປະເທດອາຊຽນເຖິງ 4 ແສນເທື່ອຄົນ,ເພີ່ມຂຶ້ນຫລາຍກວ່າໄລຍະດຽວກັນຂອງປີກ່ອນ 13%.
ທ່ານຊ່ຽວຈ້ຽນກ່າງ ຫົວຫນ້າພະແນກທ່ອງທ່ຽວຂອງເຂດກວາງຊີເວົ້າວ່າ, ປີ 2006,ເຂດກວາງຊີໄດ້ເປີດກວ້າງການຮ່ວມມືດ້ານການທ່ອງທ່ຽວຢູ່ອ່າວພາກເຫນືອຢ່າງຮອບດ້ານ,ໄດ້ລົງເລິກການຮ່ວມມືກັບຫວຽດນາມ ມາເລເຊຍ ໄທແລະສິງກະໂປ.ພາຍໃນຫລາຍປີຂ້າງຫນ້ານີ້,ເຂດກວາງຊີຈະເລັ່ງລັດການຮ່ວມມືກັບອາຊຽນໃນດ້ານທ່ອງທ່ຽວຕື່ມອີກ,ພ້ອມກັນຈັດວາງເສັ້ນທາງທ່ອງທ່ຽວລະຫວ່າງຫລາຍປະເທດ.
|
|
