|
|
 |
| (GMT+08:00)
2007-02-07 16:07:05
|
 |
|
ນະຄອນຫຼວງປັກກິ່ງຈະໃຊ້ມາດຕະການເພື່ອຮັບປະກັນຄວາມປອດໄພດ້ານອາຫານໃນໄລຍະງານກິລາໂອລິມປິກ
cri
Author: da
ຕາມຂ່າວCRI: ວັນທີ 7 ກຸມພານີ້ ທ່ານເວີ້ຍສວນຈົ່ງ ຫົວໜ້າພະແນກກວດຄຸນນະພາບແລະກວດພະຍາດເຂົ້າອອກເມືອງປັກກິ່ງກ່າວວ່າ,ນະຄອນຫຼວງປັກກິ່ງພວມຕັ້ງໜ້າກະກຽມວຽກງານກວດຄຸນນະພາບແລະກວດພະຍາດ,ເພື່ອຮັບປະກັນຄວາມປອດໄພດ້ານອາຫານໃນໄລຍະງານກິລາໂອລິມປິກ.
ໃນກອງປະຊຸມຂ່າວທີ່ຈັດຂຶ້ນຢູ່ປັກກິ່ງໃນມື້ດຽວກັນ ທ່ານເວີ້ຍສວນຈົ່ງເປີດເຜີຍວ່າ,ກົມກວດຄຸນນະພາບແລະກວດພະຍາດເຂົ້າອອກເມືອງປັກກິ່ງພວມລົງມືວາງມາດຖານກວດກາອາຫານໃນງານກິລາໂອລິມປິກ,ເພີ່ມທະວີການຄົ້ນຄວ້າເຕັກນິກກວດກາຢາກະຕຸ້ນ ແຫຼ່ງເກີດພະຍາດແລະສິ່ງເປັນພິດເຄມີ,ສ້າງວິທີກວດກາຄົບຊຸດ,ສາມາດຕອບສະໜອງຄວາມຕ້ອງການໃນດ້ານຄວາມປອດໄພຂອງອາຫານໃນງານກິລາໂອລິມປິກຢ່າງເຕັມທີ່.
ທ່ານຍັງກ່າວວ່າ,ຂະແໜງການກວດຄຸນນະພາບແລະກວດພະຍາດເຂົ້າອອກເມືອງປັກກິ່ງຈະສ້າງຊ່ອງທາງສີຂຽວໃຫ້ເຄື່ອງຂອງເຂົ້າເມືອງໃນງານກິລາໂອລິມປິກ,ແລະເລັ່ງຄວາມໄວຂອງການຜ່ານດ່ານ.
|
|
|
