|
|
 |
| (GMT+08:00)
2007-02-07 21:07:28
|
 |
|
ປັກກິ່ງຈະສ້າງຄວາມສະຫງົບແລະປອດໄພໃຫ້ແກ່ງານກິລາໂອລິມປິກ
cri
ຕາມຂ່າວCRI,ຕາມຂ່າວຈາກເວັບໄຊລັດຖະບານ ຂອງຈີນ,ໃນງານຖະແຫຼງຂ່າວທີ່ຈັດຂຶ້ນຢູ່ປັກກິ່ງໃນວັນທີ6ກຸມພານີ້,ເຈົ້າໜ້າທີ່ກະຊວງປ້ອງກັນຄວາມສະຫງົບຂອງຈີນກ່າວວ່າ,ລະດັບຊຳລະຄະດີຂອງນະຄອນຫຼວງປັກກິ່ງໄດ້ຍົກສູງຂຶ້ນຢ່າງວ່ອງໄວ,ປັກກິ່ງຈະສ້າງຄວາມສະຫງົບປອດໄພແລະຄວາມໝັ້ນທ່ຽງເພື່ອຈັດງານກິລາໂອລິມປິກຢ່າງສຳເລັດຜົນ.
ທ່ານຢູຊິນມິນ ຮອງຫົວໜ້າກົມສືບສວນຄະດີອາຍາຂອງກະຊວງປ້ອງກັນຄວາມສະຫງົບຈີນກ່າວວ່າ,ປີ2006,ສະພາບຄວາມສະຫງົບຂອງສັງຄົມປັກກິ່ງດີຫຼາຍ,ອັດຕາຊຳລະຄະດີຄາດຕະກຳມີປະມານ90%,ແມ່ນລະດັບດີທີ່ສຸດໃນປະຫວັດສາດ.ຄະດີທີ່ມີຜົນສະທ້ອນສຳຄັນຈຳນວນໜຶ່ງໄດ້ຮັບການສືບສວນແລະຊຳລະຢ່າງທັນການ.ພ້ອມກັນນັ້ນ,ການສືບສວນຄະດີທຳມະດາກໍ່ໄດ້ຮັບໝາກຜົນທີ່ດີ.
ປີ2008,ປັກກິ່ງຈະຈັດງານກິລາໂອລິມປິກ,ສະພາບຄວາມສະຫງົບຂອງສັງຄົມປັກກິ່ງໄດ້ກາຍເປັນຈຸດສຸມທີ່ຄົນທັງຫຼາຍໃຫ້ຄວາມສົນໃຈ.ທ່ານອູເຮີພິງ ໂຄສົກກະຊວງປ້ອງກັນຄວາມສະຫງົບຈີນກ່າວວ່າ,ຕຳຫຼວດຂອງປັກກິ່ງຈະໃຊ້ພາຫະນະທຸກຢ່າງປາບປາມການກະທຳຜິດທາງອາຍາ,ອອກແຮງສຸດຂີດຮັບປະກັນຄວາມສະຫງົບໃນໄລຍະຈັດງານກິລາໂອລິມປິກ.
|
|
|
