|
|
 |
| (GMT+08:00)
2007-02-08 18:37:43
|
 |
|
ຈີນປົກປ້ອງລິຂະສິດປະພັນຈີນແລະຕ່າງປະເທດເຊັ່ນດຽວກັນ
cri
Author: da
ຕາມຂ່າວCRI: ວັນທີ 8 ກຸມພານີ້ ໃນກອງປະຊຸມຂ່າວທີ່ຈັດຂຶ້ນຢູ່ປັກກິ່ງ ທ່ານຢຽນສຽວຫົງ ຮອງຫົວໜ້າກົມລິຂະສິດແຫ່ງລັດຈີນກ່າວວ່າ,ການເຄື່ອນໄຫວການລ່ວງລະເມີດແລະລັກລິຂະສິດທາງອິນເທີເນັດທີ່ດຳເນີນມາເປັນ 4 ເດືອນ ໄດ້ດຳເນີນຄະດີຕໍ່ຜູ່ກະທຳຜິດ 436 ລາຍ,ຊຶ່ງໄດ້ຮັບປະສິດທິຜົນອັນເດັ່ນຊັດ.
ຂະແໜງການຄຸ້ມຄອງບໍລິຫານລິຂະສິດແຫ່ງຕ່າງໆຂອງຈີນເລີ່ມດຳເນີນການເຄື່ອນໄຫວຕໍ່ຕ້ານຢ່າງຈິງຈັງໃນເດືອນກັນຍາປີກາຍນີ້,ໂຈມຕີການກະທຳທີ່ຜິດກົດໝາຍ ເຊິ່ງຖືການທຸລະກິດເປັນຈຸດປະສົງ,ຄືການດາວໂຫຼດຮູບເງົາ ດົນຕີ ຊອຟແວແລະປຶ້ມແບບຮຽນໂດຍຜ່ານອິນເທີເນັດພາຍໃນຂອບເຂດທົ່ວປະເທດ. ນັບມາຮອດເດືອນມັງກອນປີນີ້,ແຫ່ງຕ່າງໆໄດ້ປິດເວັບໄຊທີ່ຜິດກົດໝາຍລວມ 205 ແຫ່ງ,ສົ່ງໃຫ້ອົງການຍຸດຕິທຳດຳເນີນຄະດີທີ່ທາງອາຍາ 6 ລາຍ.
ທ່ານຢຽນສຽວຫົງກ່າວວ່າ,ຈີນຈະຄຸ້ມຄອງລະບຽບການເຜີຍແຜ່ບົດປະພັນທາງອິນເທີເນັດໃຫ້ເຂົ້າສູ່ລະບຽບຕື່ມອີກ,ຕໍ່ຕ້ານການກະທຳທີ່ລ່ວງລະເມີດລິຂະສິດທາງອິນເທີເນັດຢ່າງເດັດຂາດ.
ໃນກອງປະຊຸມຂ່າວດັ່ງກ່າວ,ທ່ານວັງຈື້ຊຽງ ໂຄສົກຖະແຫຼງຂ່າວກົມລິຂະສິດແຫ່ງລັດຈີນຍັງກ່າວວ່າ,ລັດຖະບານຈີນແມ່ນປະຕິບັດຢ່າງສະເໝີພາບຕໍ່ຄົນທີ່ມີລິຂະສິດປະພັນຂອງຈີນແລະຕ່າງປະເທດ.
|
|
|
