|
|
 |
| (GMT+08:00)
2007-02-08 20:55:10
|
 |
|
ຈີນຈະຊັກນຳໃຫ້ການກະທຳຊື້ບໍລິສັດຂອງນັກລົງທຶນຕ່າງປະເທດເປັນແບບແຜນລະບຽບຕື່ມອີກ
cri
ຕາມໜັງສືພິມເຢິນມິນຢື້ປ້າວສະບັບຕໍ່ຕ່າງປະເທດແຈ້ງຂ່າວໃນວັນທີ8ກຸມພາວ່າ:ຫວ່າງມໍ່ໆນີ້,ໃນກອງປະຊຸມສຸດຍອດກ່ຽວກັບບໍລິສັດຂ້າມຊາດກັບການພັດທະນາແບບຍືນຍົງຂອງຈີນ,ຜູ່ຮັບຜິດຊອບທີ່ກ່ຽວຂ້ອງຂອງກະຊວງການຄ້າຈີນເປີດເຜີຍວ່າ: ຈີນຈະຊັກນຳເຮັດໃຫ້ການກະທຳຊື້ບໍລິສັດຂອງນັກລົງທຶນຕ່າງປະເທດເປັນແບບແຜນລະບຽບຕື່ມອີກ.
ທ່ານຊຸນເຜິງ ຮອງຫົວໜ້າກົມທຶນຕ່າງປະເທດຂອງກະຊວງການຄ້າຈີນເປີດເຜີຍວ່າ:ຈີນຈະສຳຫຼວດກວດກາການຊື້ບໍລິສັດຂອງນັກລົງທຶນຕ່າງປະເທດ,ເຊິ່ງລວມທັງການກວດກາເພື່ອຕ້ານການຜູກຂາດ,ປົກປ້ອງການແຂ່ງຂັນຢ່າງທ່ຽງທຳໃນຕະຫຼາດແລະການກວດກາເພື່ອຄວາມປອດໄພດ້ານເສດຖະກິດແຫ່ງຊາດ,ພ້ອມທັງກວດກາການຮັບປະກັນຜົນປະໂຫຍດຂອງພາລະກອນໃນເວລາຊື້ເອົາລັດວິສາຫະກິດແລະໂອນສິດຊັບສິນຂອງລັດ.
ທ່ານຟູ້ຈື້ອິງ ຜູ່ຊ່ວຍລັດຖະມົນຕີວ່າການກະຊວງການຄ້າຈີນເປີດເຜີຍວ່າ:ຈີນຈະປັບປຸງສາລະບານຊີ້ນຳການລົງທຶນສຳລັບນັກທຸລະກິດຕ່າງປະເທດໃຫ້ສົມບູນຂຶ້ນ,ສົ່ງເສີມແລະຊັກນຳນັກທຸລະກິດຕ່າງປະເທດລົງທຶນເຂົ້າໃນຂະແໜງການປະຢັດພະລັງງານອະນຸລັກສິ່ງແວດລ້ອມ,ເຕັກນິກສູງໃໝ່,ຂະແໜງການບໍລິການຍຸກປັດຈຸບັນ,ຈຳກັດຢ່າງເຄັ່ງຄັດຕໍ່ນັກທຸລະກິດຕ່າງປະເທດທີ່ລົງທຶນໃນຂະແໜງການທີ່ສິນເປືອງພະລັງງານຫຼາຍ,ເຊື່ອມພິດສິ່ງແວດລ້ອມຫຼາຍແລະການລົງທຶນທີ່ມີລະດັບຕ່ຳ.
|
|
|
