|
|
 |
| (GMT+08:00)
2007-02-09 16:05:15
|
 |
|
ກອງປະຊຸມເທື່ອທີ3ຂອງການເຈລະຈາ 6 ຝ່າຍຮອບ 5 ກ່ຽວກັບບັນຫານິວເຄຼຍແຫຼມເກົາຫຼີເຂົ້າສູ່ມື້ທີສອງ
cri
Author: da
ຕາມຂ່າວCRI: ກອງປະຊຸມເທື່ອທີ3ຂອງການເຈລະຈາ 6 ຝ່າຍຮອບ 5 ກ່ຽວກັບບັນຫານິວເຄຼຍແຫຼມເກົາຫຼີສືບຕໍ່ດຳເນີນຢູ່ປັກກິ່ງໃນວັນທີ 9 ກຸມພານີ້.
ຕອນເຊົ້າ ໄດ້ຈັດກອງປະຊຸມຫົວໜ້າຄະນະຜູ່ແທນ 6 ຝ່າຍ.ຖັດມາ,ຄະນະຜູ່ແທນສປປເກົາຫຼີແລະຣັດເຊຍໄດ້ແຍກພົບປະເປິກສາຫາລືກັບຄະນະຜູ່ແທນຈີນ.ຕອນຄ່ຳ,ຄະນະຜູ່ແທນຈີນຍັງຈະເປິກສາຫາລືກັບຄະນະຜູ່ແທນສ.ເກົາຫຼີ ຍິ່ປຸ່ນແລະອາເມລິກາ,ຄະນະຜູ່ແທນຂອງສປປເກົາຫຼີກັບຣັດເຊຍກໍຈະຫາລືກັນ.
ທ່ານຊູນຢົງອູ ຫົວໜ້າຄະນະຜູ່ແທນສ.ເກົາຫຼີກ່າວວ່າ,ປະຈຸບັນ ຕົ້ນຕໍແມ່ນປະຕິບັດບາງເນື້ອໃນຂອງ"ຖະແຫຼງການຮ່ວມ 19 ກັນຍາ",ປະຈຸບັນ ຝ່າຍຕ່າງໆເລີ່ມອ່ານຮ່າງເອກະສານ ຊຶ່ງຝ່າຍຈີນຍື່ນໃຫ້ໃນຕອນຄ່ຳວັນທີ 8 ກຸມພາ,ຝ່າຍສ.ເກົາຫຼີເຫັນວ່າ ເອກະສານດັ່ງກ່າວແມ່ນພື້ນຖານທີ່ດີໃນການກ້າວເຖິງຂັ້ນເຊັນສັນຍາ.
ທ່ານຊາຊາອີ ເຄນີຊີໂຣ ຫົວໜ້າຄະນະຜູ່ແທນຍີ່ປຸ່ນກ່າວວ່າ,ການປະຕິບັດ"ຖະແຫຼງການຮ່ວມ 19 ກັນຍາ"ແມ່ນເນື້ອໃນຕົ້ນຕໍຂອງການເຈລະຈາຄັ້ງນີ້.ເພື່ອເຮັດໃຫ້ການເຈລະຈາກ້າວເຖິງການເປັນເອກະສັນກັນ,ຝ່າຍຍີ່ປຸ່ນກໍ່ຈະທຳຄວາມພະຍາຍາມສຸດຂີດ.
|
|
|
