|
|
 |
| (GMT+08:00)
2007-02-09 16:06:46
|
 |
|
ຈີນຈະເປີດກວ້າງເງື່ອນໄຂອະນຸມັດໃຫ້ພໍດ້າມພໍດີຕໍ່ຕ່າງປະເທດລົງທຶນຢູ່ພາກກາງແລະພາກຕາເວັນຕົກຈີນ
cri
Author: da
ໜັງສືພິມເຢິນມິນຢື້ປ້າວສະບັບຕ່າງປະເທດລາຍງານວ່າ:ຫວ່າງມໍ່ໆນີ້ ໃນເວລາໃຫ້ສຳພາດຕໍ່ນັກຂ່າວ ທ່ານຟູ້ຈື້ຢີ້ງ ຜູ່ຊ່ວຍລັດຖະມົນຕີວ່າການກະຊວງການຄ້າຈີນກ່າວວ່າ, ຈີນຈະເປີດກວ້າງເງື່ອນໄຂການອະນຸມັດໃຫ້ພໍດ້າມພໍດີຕໍ່ຕ່າງປະເທດລົງທຶນໃນບາງຂະແໜງການຢູ່ພາກກາງແລະພາກຕາເວັນຕົກຈີນ,ເພີ່ມທະວີການຮ່ວມມືແລະແລກປ່ຽນລະຫວ່າງນັກລົງທຶນຕ່າງປະເທດກັບເຂດພາກກາງແລະພາກຕາເວັນຕົກຂອງຈີນ.
ທ່ານຟູ້ຈື້ຢີ້ງເວົ້າວ່າ,ຈີນຈະຖືການນຳເຂົ້າເຕັກນິກອັນກ້າວໜ້າ ບົດຮຽນການຄຸ້ມຄອງອັນກ້າວໜ້າແລະຜູ່ມີຄວາມຮູ້ຄວາມສາມາດຈາກຕ່າງປະເທດເປັນຈຸດໜັກ,ຊັກນຳການຄ້າຜະລິດຕະພັນປຸງແຕ່ງຢູ່ເຂດຕາເວັນອອກຍ້າຍໄປຢູ່ເຂດກາງແລະເຂດຕາເວັນຕົກ,ຊຸກຍູ້ວິສາຫະກິດຕ່າງປະເທດແລະວິສາຫະກິດຈີນຢູ່ພາກຕາເວັນອອກໄປລົງທຶນຢູ່ເຂດພາກກາງແລະເຂດພາກຕາເວັນຕົກ.
ທ່ານກ່າວວ່າ,ຫວັງໃຫ້ບໍລິສັດຂ້າມຊາດມາລົງທຶນທຸລະກິດຢູ່ຈີນໃຫ້ຫຼາຍຂຶ້ນ,ຕັ້ງໜ້າເຂົ້າຮ່ວມການສ້າງສາຊົນນະບົດໃໝ່ຂອງຈີນ,ເຂົ້າຮ່ວມການພັດທະນາພາກກາງຈີນໃຫ້ຈະເລີນຂຶ້ນ,ເຂົ້າຮ່ວມຍຸດທະສາດທີ່ພັດທະນາພາກຕາເວັນຕົກແລະແຫຼ່ງອຸດສາຫະກຳເກົ່າພາກຕາເວັນອອກສຽງເໜືອຂອງຈີນ.
|
|
|
