|
ການສຳຫຼວດສະແດງໃຫ້ເຫັນວ່າ,ຈຳນວນວິສາຫະກິດເອກະຊົນຂອງຈີນໄດ້ເພີ່ມຫຼາຍຂຶ້ນຢ່າງໝັ້ນທ່ຽງ
cri
Author: da
ຕາມຂ່າວCRI:ວັນທີ 9 ກຸມພາ ຢູ່ປັກກິ່ງ ທ່ານປາວອີ້ຈູ່ນ ປະທານສະມາຄົມຄົ້ນຄວ້າເສດຖະກິດເອກະຊົນຈີນກ່າວວ່າ,ໃນເກືອບສອງປີມານີ້,ຈຳນວນວິສາຫະກິດເອກະຊົນຂອງຈີນເພີ່ມຂຶ້ນຢ່າງໄວວາ,ນັບມາຮອດທ້າຍປີກາຍນີ້ ຈຳນວນວິສາຫະກິດ ເອກະຊົນມີເກືອບ 5 ລ້ານແຫ່ງ.
ໃນກອງປະຊຸມຂ່າວກ່ຽວກັບການປະກາດບົດລາຍງານສຳຫຼວດຕົວຢ່າງຕໍ່ວິສາຫະກິດເອກະຊົນທົ່ວປະເທດ ທ່ານປາວອີ້ຈູ່ນແຈ້ງໃຫ້ຊາບວ່າ,ການສຳຫຼວດຕົວຢ່າງສະແດງໃຫ້ເຫັນວ່າ,ຈຳນວນຜູ່ເຮັດວຽກໃນວິສາຫະກິດເອກະຊົນແລະສ່ວນບຸກຄົນທີ່ດຳເນີນທຸລະກິດຂອງຈີນໃນປີ 2006 ມີ 130 ລ້ານຄົນ,ກວມເຄິ່ງໜຶ່ງຂອງຈຳນວນຄົນປະກອບອາຊີບໃນຕົວເມືອງຈີນ. ວິສາຫະກິດເອກະຊົນໄດ້ເພີ່ມຫຼາຍຂຶ້ນຢ່າງໝັ້ນທ່ຽງ,ລາຍໄດ້ຈາກການຈຳໜ່າຍສູງຂຶ້ນຢ່າງຫຼວງຫຼາຍ. ວິສາຫະກິດເອກະຊົນສ່ວນຫຼາຍ ແມ່ນຢູ່ໃນຂະແໜງການຜະລິດແລະຂະແໜງການຂາຍຍົກຂາຍຍ່ອຍ. ຄຽງຄູ່ກັບເງື່ອນໄຂອະນຸມັດໃຫ້ເຂົ້າສູ່ຕະຫຼາດເປີດກວ້າງອອກເທື່ອລະກ້າວ,ວິສາຫະກິດ ເອກະຊົນບໍ່ໜ້ອຍໄດ້ເຂົ້າສູ່ຂົງເຂດພື້ນຖານຄື ພະລັງງານ ການທະນາຄານ ສິ່ງກໍ່ສ້າງສາທາລະນະແລະອື່ນໆ.ວິສາຫະກິດເອກະຊົນເກືອບ 10% ໄດ້ສ້າງການພົວພັນຮ່ວມມືຫຼືຮ່ວມທຶນກັບວິສາຫະກິດຕ່າງປະເທດແລ້ວ.
|
|
