|
|
 |
| (GMT+08:00)
2007-02-10 17:28:17
|
 |
|
ເສດຖະກິດຈີນໃນປີ 2007 ອາດຈະເຕີບໂຕຊ້າລົງໜ້ອຍໜຶ່ງ
cri
Author: MO
ຕາມຂ່າວສານຊີນຮວາ: ບົດລາຍງານປະຕິບັດນະໂຍບາຍເງິນຕາໃນໄຕມາດທີ 4 ປີ 2006 ທີ່ທະນາຄານປະຊາຊົນຈີນເຊິ່ງເປັນທະນາຄານກາງຂອງຈີນປະກາດໃນວັນທີ 9 ກຸມພາຄາດຄະເນວ່າ, ໃຕ້ບົດບາດສັງລວມຈາກສະພາບແວດລ້ອມເສດຖະກິດພາຍໃນປະເທດຈີນແລະຕ່າງປະເທດ ແລະມາດຕະການນະໂຍບາຍດັດສົມມະຫາພາກຕ່າງໆ, ກະວ່າ, ເສດຖະກິດຈີນໃນປີ 2007 ອາດຈະເຕີບໂຕຊ້າລົງໜ້ອຍໜຶ່ງ.
ຕົວເລກສະແດງໃຫ້ເຫັນວ່າ, ແຕ່ປີ 2003 ເປັນຕົ້ນມາ, ເສດຖະກິດຈີນໄດ້ເຕີບໂຕດ້ວຍ 2 ຕົວເລກໃນ 4 ປີລຽນຕິດແລ້ວ.
ບົດລາຍງານຂອງທະນາຄານກາງກ່າວເນັ້ນວ່າ, ເຖິງວ່າໄດ້ຄາດຄະເນຄວາມໄວເຕີບໂຕຂອງເສດຖະກິດອາດຈະຊ້າລົງ, ແຕ່ກຳລັງຊຸກດັນໃຫ້ເສດຖະກິດເຕີບໂຕນັ້ນຍັງຄົງແຂງແຮງຢູ່, ເວົ້າລວມແລ້ວ, ເສດຖະກິດແຫ່ງຊາດຍັງຈະຮັກສາທ່ວງທ່າພັດທະນາທີ່ໝັ້ນທ່ຽງແລະຂ້ອນຂ້າງໄວ.
ພ້ອມກັນນັ້ນ, ບົດລາຍງານຊີ້ອອກວ່າ, ພື້ນຖານທີ່ການລົງທຶນແລະເງິນກູ້ສິນເຊື່ອໃນສະເພາະໜ້ານີ້ຫຼຸດລົງນັ້ນຍັງບໍ່ໝັ້ນຄົງ, ບັນຫາລາຍຮັບລາຍຈ່າຍສາກົນບໍ່ສົມດຸນກັນຍັງພົ້ນເດັ່ນຢູ່, ກຳລັງກົດດັນຈາກໄພເງິນເຟີ້ໄດ້ເພີ່ມຂຶ້ນ, ຄວາມຂັດແຍ່ງກັນດ້ານອົງປະກອບໃນຊັ້ນເລິກຄືອັດຕາການບໍລິໂພກຕ່ຳໂພດ ແຕ່ເງິນອອມສິນຫຼາຍໂພດນັ້ນ ຍັງແມ່ນບັນຫາພົ້ນເດັ່ນທີ່ຈຳກັດເສດຖະກິດພັດທະນາແບບຍືນຍົງ.
|
|
|
