|
ເຂດກວາງຊີຈີນຈະລົງທຶນກ້ອນໃຫຍ່ສ້າງຕາໜ່າງຄົມມະນາຄົມເທີງທະເລແລະເທີງບົກທີ່ຕິດຕໍ່ກັບຕະຫຼາດອາຊຽນ
cri
Author: mo
ຕາມຂ່າວສານຊີນຮວາ: ປີນີ້, ເຂດກວາງຊີຈີນຈະລົງທຶນ 20 ຕື້ຢວນສ້າງຕາໜ່າງຄົມມະນາຄົມທີ່ໄປສູ່ທຸກທິດ, ຜ່ານການສ້າງທາງບົກແລະທາງທະເລທີ່ສະດວກ, ເຮັດໃຫ້ເຂດເສດຖະກິດປານແມ່ນ້ຳຈູຈ່ຽງຈີນກັບຕະຫຼາດອາຊຽນສັ້ນເຂົ້າ.
ຫວ່າງມໍ່ໆນີ້, ທ່ານເສີນວູ ຮອງປະທານເຂດກວາງຊີປົກຄອງຕົນເອງກ່າວວ່າ, ເຂດກວາງຊີສ້າງທາງສາກົນດັ່ງກ່າວນີ້ຢ່າງຮອບດ້ານ ຈຸດປະສົງແມ່ນເພື່ອຊຸກຍູ້ການຈໍລະຈອນຂອງຜູ້ມີຄວາມຮູ້ຄວາມສາມາດ ສິນຄ້າ ແລະທຶນຮອນລະຫວ່າງຈີນກັບອາຊຽນ, ແລະຍົກລະດັບການຮ່ວມມືດ້ານການຄ້າ ການລົງທຶນແລະເຕັກນິກຂອງສອງຝ່າຍໃຫ້ສູງຂຶ້ນ.
ຕາມສະເໜີວ່າ, ຮອດທ້າຍປີກາຍນີ້, ທາງຫຼວງຂອງເຂດກວາງຊີລວມຍາວເກີນ 9 ໝື່ນກິໂລແມັດ, ໃນນັ້ນ, ທາງດ່ວນ 1547 ກິໂລແມັດ. ໃນດ້ານທາງລົດໄຟ, ປີນີ້, ກວາງຊີຈະເລັ່ງລັດສ້ອມແປງທາງລົດໄຟຈາກນານນິງຫາເມືອງທ່າຟາງເສີງເປັນຕົ້ນ, ວາງແຜນສ້າງທາງລົດໄຟດ່ວນແຕ່ນານນິງຫາກວາງໂຈວ, ແລະເຮັດໃຫ້ຄວາມສາມາດຂົນສົ່ງຂອງທາງລົດໄຟຂອງເມືອງທ່າແຄມທະເລເພີ່ມຂຶ້ນ.
|
|
