|
|
 |
| (GMT+08:00)
2007-02-11 19:49:05
|
 |
|
ປັກກິ່ງຈັດການເຄື່ອນໄຫວຫຼາຍຮູບຫຼາຍແບບໃຫ້ໄທເມືອງເຂົ້າຮ່ວມກິດຈະກຳອາລະຍະທຳໂອລິມປິກ
cri
Author: mo
ຕາມຂ່າວສານຊີນຮວາ: ວັນທີ 11 ກຸມພານີ້, ຢູ່ທີ່ປັກກິ່ງ, ທ່ານຈ່າງຮຸ້ຍກ່ວງ ຫົວໜ້າຫ້ອງການອາລະຍະທຳດ້ານຈິດໃຈນະຄອນຫຼວງຂອງຈີນກ່າວວ່າ, ການເຂົ້າຮ່ວມຢ່າງກວ້າງຂວາງແມ່ນຈຸດພິເສດໃຫຍ່ອັນໜຶ່ງຂອງງານກິລາໂອລິມປິກປັກກິ່ງປີ 2008, ປັກກິ່ງຜ່ານການຈັດການເຄື່ອນໄຫວຫຼາຍຮູບຫຼາຍແບບເຮັດໃຫ້ໄທເມືອງໄດ້ເຂົ້າຮ່ວມກິດຈະກຳອາລະຍະທຳໂອລິມປິກ.
ທ່ານຈ່າງຮຸ້ຍກ່ວງເວົ້າວ່າ, ກິດຈະກຳອາລະຍະທຳໂອລິມປິກສາມາດກະຕຸກຈິດໃຈເປັນເຈົ້າພາບແລະສະຕິເຂົ້າຮ່ວມຂອງໄທເມືອງ, ຜ່ານການເຄື່ອນໄຫວຕ່າງໆ, ລະດົມແລະຊັກນຳວົງການຕ່າງໆໃນສັງຄົມຕັ້ງໜ້າເຂົ້າຮ່ວມກິດຈະກຳ"ຕ້ອນຮັບງານໂອລິມປິກ ມີອາລະຍະທຳຕໍ່ກັນ, ແລະສ້າງໂສມໜ້າໃໝ່".
ຫວ່າງມໍ່ໆນີ້, ໃນສະຖານທີ່ສາທາລະນະຂອງນະຄອນປັກກິ່ງເຊັ່ນ: ເຂດສຳຄັນ ຖະໜົນຫົນທາງ ສະໜາມຫຼວງ ແລະເຂດຄຸ້ມເປັນຕົ້ນໄດ້ໃຊ້ຮູບການຕິດປ້າຍແຖບຜ້າ ປ້າຍຄຳຂວັນ ຈໍໂທລະພາບ ແລະບ່ອນໂຄສະນາເປັນຕົ້ນ, ເພື່ອໂຄສະນະການເຄື່ອນໄຫວ"ຕ້ອນຮັບງານໂອລິມປິກ ມີອະລະຍະທຳຕໍ່ກັນ ສ້າງໂສມໜ້າໃໝ່-- ຂ້ອຍເຂົ້າຮ່ວມ ຂ້ອຍອຸທິດ ຂ້ອຍມ່ວນຊື່ນ". ນີ້ແມ່ນປັກກິ່ງຈັດການເຄື່ອນໄຫວດັ່ງກ່າວ 3 ປີລຽນຕິດແລ້ວ. ການເຄື່ອນໄຫວໃນປີນີ້ຕົ້ນຕໍລວມທັງຈັດເຂດແບບຢ່າງອາລະຍະທຳສາທາລະນະຢູ່ເຂດການຄ້າສຳຄັນແລະສະຖານທີ່ທ່ອງທ່ຽວສຳຄັນ, ເພື່ອເຜີຍແຜ່ຄວາມຮູ້ໂອລິມປິກ, ແລະທັດສະນະຄະຕິໂອລິມປິກມະນຸດສາດເປັນຕົ້ນ.
|
|
|
