|
|
 |
| (GMT+08:00)
2007-02-12 18:59:26
|
 |
|
ຈີນຈະໃຊ້ມາດຕະການຕື່ມອີກເພື່ອປ້ອງກັນແລະຄວງຄຸມໄຂ້ຫວັດສັດປີກ
cri
Author: da
ຕາມຂ່າວສານຊິນຮວາ: ປະຈຸບັນແມ່ນລະດູມັກເກີດພະຍາດສັດປະເພດຕ່າງໆຄືໄຂ້ຫວັດສັດປີກ,ໄຂ້ຫວັດສັດປີກມີທ່ວງທ່າແຜ່ລາມໃນທົ່ວໂລກ.ສຳລັບເລື່ອງນີ້ ວັນທີ 12 ກຸມພານີ້ ທ່ານອີນເສີງເຈ ລັດຖະມົນຕີຊ່ວຍວ່າການກະຊວງກະສິກຳຈີນກ່າວຢູ່ປັກກິ່ງວ່າ, ຈີນຈະໃຊ້ມາດຕະການຕື່ມອີກເພື່ອປ້ອງກັນແລະຄວງຄຸມໄຂ້ຫວັດສັດປີກ.
ທ່ານອີນເສີງເຈກ່າວວ່າ,ກະຊວງກະສິກຳຈີນຈະສືບຕໍ່ປະຕິບັດມາດຕະການປ້ອງກັນແລະຄວບຄຸມໃນດ້ານດັບເຊື້ອກັນພະຍາດແລະຂ້າສັດຕາຍໄປພ້ອມ. ພ້ອມກັນນັ້ນ,ຈີນຈະເພີ່ມທະວີການປ້ອງກັນແລະຄວບຄຸມເຂດຊາຍແດນ,ເພີ່ມທະວີການກວດພະຍາດຕໍ່ສັດແລະຜະລິດຕະພັນສັດທີ່ເຂົ້າເມືອງ,ອອກແຮງສຸດຂີດກັ້ນກາງພະຍາດຈາກຕ່າງປະເທດເຂົ້າມາຢູ່ຈີນ.
ທ່ານກ່າວວ່າ,ຈີນຍັງຈະປັບປຸງແຜນສຸກເສີນໃຫ້ດີຕື່ມອີກ,ສ້າງກົນໄກຮັບມືໂດຍດ່ວນໃຫ້ສົມບູນ,ປ້ອງກັນບໍ່ໃຫ້ພະຍາດແຜ່ລາມ.
ຕາມການແນະນຳ,ນັບແຕ່ວັນທີ 20 ເດືອນກັນຍາປີກາຍນີ້ເປັນຕົ້ນມາ,ຈີນບໍ່ມີພະຍາດສັດປີກລ້ຽງເກີດຂຶ້ນພາຍໃນ 4 ເດືອນລຽນຕິດແລ້ວ.
|
|
|
