|
|
 |
| (GMT+08:00)
2007-02-16 18:02:23
|
 |
|
ລັດຖະບານຈີນຈະພະຍາຍາມສຸດຂີດແກ້ໄຂບັນຫາຊີວິດການເປັນຢູ່ຂອງປະຊາຊົນ
cri
Author: da
ຕາມຂ່າວCRI:ວັນທີ16 ກຸມພານີ້ ຢູ່ປັກກິ່ງ ທ່ານເວີນເຈຍປາວ ນາຍົກລັດຖະມົນຕີຈີນກ່າວວ່າ,ລັດຖະບານຈີນຈະເຮັດແທ້ທຳຈິງເພື່ອປະຊາຊົນຢ່າງຈັງໃຈ,ພະຍາຍາມສຸດຂີດເພື່ອແກ້ໄຂບັນຫາຊີວິດການເປັນຢູ່ຂອງປະຊາຊົນ.
ກ່ອນບຸນກຸດຈີນ ບຸນປະເພນີທີ່ສຳຄັນທີ່ສຸດແຫ່ງຊາດຈີນໃກ້ຈະວຽນມາຮອດ, ວັນທີ 16 ກຸມພານີ້ ສູນກາງພັກກອມມູນິດຈີນແລະລັດຖະບານຈີນໄດ້ຈັດງານອວຍໄຊບຸນກຸດຈີນປີ2007ຢູ່ປັກກິ່ງ.ໃນງານດັ່ງກ່າວ ທ່ານເວີນເຈຍປາວເວົ້າວ່າ,ໜ້າທີ່ພື້ນຖານຂອງການສ້າງສາທັນສະໄໝຂອງຈີນ ແມ່ນພັດທະນາກຳລັງການຜະລິດສັງຄົມ,ຕ້ອງຕອບສະໜອງຄວາມຕ້ອງການທາງດ້ານວັດຖຸແລະທາງດ້ານຈິດໃຈຂອງປະຊາຊົນທີ່ນັບມື້ນັບເພີ່ມຂຶ້ນນັ້ນຢ່າງບໍ່ຢຸດຢັ້ງ. ທ່ານກ່າວວ່າ,ລັດຖະບານຈີນຈະສອດຄ່ອງກັບຄວາມຕ້ອງການພັດທະ ນາສັງຄົມ,ສືບຕໍ່ຊຸກຍູ້ການປະຕິຮູບ,ຮັບປະກັນສິດປະຊາທິປະໄຕ ສິດແລະຜົນປະໂຫຍດທີ່ຖືກຕ້ອງກັບກົດໝາຍຂອງປະຊາຊົນ,ໃຫ້ສັງຄົມມີຄວາມຍຸດຕິທຳແລະທ່ຽງທຳ.
ທ່ານຍັງຮຽກຮ້ອງອຳນາດການປົກຄອງທຸກຂັ້ນພົວພັນກັບປະຊາຊົນໃຫ້ແໜ້ນແຟ້ນກວ່າເກົ່າ,ຮັບຟັງຄວາມເຫັນຂອງປະຊາຊົນ,ເອົາໃຈໃສ່ນຳຄວາມຫຍຸ້ງຍາກຂອງປະຊາຊົນ,ແກ້ໄຂບັນຫາຜົນປະໂຫຍດຕ່າງໆທີ່ປະຊາຊົນສົນໃຈທີ່ສຸດ ໂດຍກົງທີ່ສຸດແລະເປັນຕົວຈິງທີ່ສຸດນັ້ນ ເຊັ່ນ ການສຶກສາ ການປົວພະຍາດ ການປະກອບອາຊີບ ການແບ່ງປັນລາຍໄດ້ ແລະການປະກັນສັງຄົມ.
ຜູ່ນຳຈີນຄື ທ່ານຫູຈິນທາວ ທ່ານອູປາງໂກ ທ່ານເຈຍຊິງລິນ ທ່ານເຈີງຊິງຫົງ ທ່ານອູກວນເຈີງ ທ່ານຫຼີຊາງຊູນແລະທ່ານໂລການໄດ້ເຂົ້າຮ່ວມງານອວຍພອນບຸນກຸດຈີນດັ່ງກ່າວນີ້.
|
|
|
