|
|
 |
| (GMT+08:00)
2007-02-17 18:36:21
|
 |
|
ທ່ານຖາງເຈຍສຽນໄປຢາມສົມເດັດນະໂນດົມ ສິຫະນຸ ເຈົ້າຊີວິດກຳປູເຈຍ
cri
Author: mo
ຕາມຂ່າວCRI: ເນື່ອງໃນໂອກາດບຸນກຸດຈີນ ບຸນປະເພນີຂອງຈີນວຽນມາເຖິງ, ວັນທີ 17 ກຸມພານີ້, ທ່ານຖາງເຈຍສຽນ ທີ່ປຶກສາແຫ່ງລັດຈີນໄດ້ຮັບການມອບໝາຍຈາກທ່ານຫູຈິນທ່າວ ປະທານປະເທດຈີນໄປຢ້ຽມຢາມສົມເດັດນະໂລດົມ ສິຫະນຸ ພະບິດາມະຫາກະສັດ ແລະພາລາຊະຊົມມະນີນະໂລດົມ ໂມນີນຽດ ສິຫະນຸແຫ່ງກຳປູເຈຍທີ່ຢູ່ປັກກິ່ງ, ສະແດງຄວາມອວຍພອນອັນຈິງໃຈແລະຖາມສະບາຍດີຢ່າງສະໜິດສະໜົມ.
ທ່ານຖາງເຈຍສຽນກ່າວວ່າ, ປີໜ້າແມ່ນປີທີ່ຈີນກັບກຳປູເຈຍສ້າງສາຍສຳພັນການທູດຄົບຮອບ 50 ປີ, ສອງປະເທດຈະຈັດການເຄື່ອນໄຫວລະລຶກພ້ອມກັນ, ເພື່ອໃຫ້ປະຊາຊົນສອງປະເທດໂດຍສະເພາະແມ່ນຮຸ້ນຊາວໜຸ່ມຮູ້ຈັກແລະເຂົ້າໃຈຄຸນຄ່າແຫ່ງມິດຕະພາບລະຫວ່າງຈີນກັບກຳປູເຈຍ, ສືບທອດແລະເສີມຂະຫຍາຍພາລະກິດມິດຕະພາບຈີນກຳປູເຈຍ, ເຮັດໃຫ້ປະຊາຊົນສອງຊາດມີໄມຕີຈິດຕໍ່ກັນທຸກເຊັ່ນຄົນ.
ສົມເດັດສິຫະນຸກໍສົ່ງພອນປີໃໝ່ໃຫ້ປະຊາຊົນຈີນ. ສົມເດັດຊົງຕັດວ່າ, ສອງປະເທດກຳປູເຈຍຈີນມີມິດຕະພາບເລິກເຊິ່ງເປັນພິເສດ, ປະຊາຊົນກຳປູເຈຍຂອບອົກຂອບໃຈທີ່ສຸດນຳຝ່າຍຈີນທີ່ໄດ້ໃຫ້ການສະໜັບສະໜູນແລະການຊ່ອຍເຫຼືອອັນປະເສີດແກ່ກຳປູເຈຍໃນເວລາດົນນານມານີ້. ພະບໍລົມມະວົງສານຸວົງແລະລັດຖະບານກຳປູເຈຍຈະຍຶດໝັ້ນຜູກມິດຕະພາບກັບຈີນ. ນະໂຍບາຍດັ່ງກ່າວຈະບໍ່ປ່ຽນແປງຈົນເທົ່າໃດໆ.
|
|
|
