|
ການຄ້າຜະລິດຕະພັນກະສິກຳຂອງຈີນໄດ້ປະກົດມີສະພາບຂາເຂົ້າຫຼາຍກວ່າຂາອອກ 3 ປີລຽນຕິດ
cri
Author: mo
ຕາມຂ່າວສານຊີນຮວາ: ຫວ່າງກ່ອນນີ້ບໍ່ດົນ, ທະນາຄານປະຊາຊົນຈີນເຊິ່ງເປັນທະນາຄານກາງຂອງຈີນໄດ້ປະກາດບົດລາຍງານສະບັບໜຶ່ງ, ໂດຍກ່າວວ່າ, ໃນການແກ່ງແຍ່ງດ້ານກະສິກຳສາກົນ ໄດ້ຢູ່ໃນທ່າເສຍປຽບ, ການຄ້າຜະລິດຕະພັນກະສິກຂາເຂົ້າຫຼາຍກວ່າຂາອອກ 3 ປີລຽນຕິດ.
ທະນາຄານກາງຂອງຈີນເຫັນວ່າ, ນີ້ສຳຄັນແມ່ນຍ້ອນປະເທດພັດທະນາປະຕິບັດນະໂຍບາຍເກື້ອກູນຜົນຜະລິດກະສິກຳແລະກຳແພງການຄ້າ, ພ້ອມກັນນັ້ນ, ວິທີຜະລິດກະສິກຳໃນປັດຈຸບັນຂອງຈີນກໍອ່າວຫຼ້າຫຼັງເປັນຕົ້ນ. ທະນາຄານກາງຂອງຈີນກ່າວວ່າ, ພາຍຫຼັງຈີນເຂົ້າຮ່ວມອົງການການຄ້າໂລກແລ້ວ, ການຄ້າຜະລິດຕະພັນກະສິກຳຂອງຈີນຢູ່ໃນໂລກໄດ້ເພີ່ມຂຶ້ນຢ່າງວ່ອງໄວ, ໄດ້ກາຍເປັນປະເທດສົ່ງອອກຜະລິດຕະພັນກະສິກຳໃຫຍ່ທີ 5 ແລະເປັນປະເທດນຳເຂົ້າຜະລິດຕະພັນກະສິກຳໃຫຍ່ທີ 4 ຂອງໂລກ, ແຕ່ຢູ່ເບື້ອງຫຼັງທີ່ກະສິກຳຫັນເປັນແບບສາກົນນັບມື້ນັບຂະຫຍາຍຕົວ, ກະສິກຳຈີນກໍໄດ້ປະເຊີນກັບການແກ່ງແຍ່ງສາກົນດຸເດືອດຂຶ້ນ.
ປີ 2006, ຍອດມູນຄ່າຜະລິດຕະພັນກະສິກຳຂາເຂົ້າຂາອອກຂອງຈີນແມ່ນໄດ້ບັນລຸ 63 ຕື້ 500 ລ້ານໂດລາ, ເພີ່ມຂຶ້ນຫຼາຍກວ່າປີ 2005 ເກືອບ 13%, ໃນນັ້ນ, ການນຳເຂົ້າຫຼາຍກວ່າການສົ່ງອອກ 670 ລ້ານໂດລາ.
|
|
