|
|
 |
| (GMT+08:00)
2007-02-20 16:54:25
|
 |
|
ຈີນຈະເພີ່ມທະວີວຽກປ້ອງກັນແລະຮັບມືກັບເຫດການສຸກເສີນດ້ານສາທາລະນະສຸກທີ່ສຳຄັນ
cri
Author: mo
ຕາມຂ່າວສານຊີນຮວາ: ຫວ່າງມໍ່ໆນີ້, ກະຊວງສາທາລະນະສຸກຈີນໄດ້ອອກປະກາດແຈ້ງການ, ຮຽກຮ້ອງໃຫ້ພາກສ່ວນທີ່ກ່ຽວຂ້ອງໃນແຫ່ງຕ່າງໆຂອງຈີນເພີ່ມທະວີວຽກປ້ອງກັນແລະຮັບມືກັບເຫດການສຸກເສີນທາງສາທາລະນະສຸກທີ່ສຳຄັນ ທີ່ຂົ່ມຂູ່ເຖິງຄວາມປອດໄພຂອງສາທາລະນະຢ່າງໜັກໜ່ວງຄືກາລະໂລກ ຊາສ໌ ຄົນຕິດແປດໄຂ້ຫວັດສັດປີກປະເພດຮ້າຍແຮງ ແລະອື່ນໆ.
ກະຊວງສາທາລະນະສຸກຈີນໄດ້ສະເໜີຄຳຮຽກຮ້ອງໂດຍສະເພາະຕໍ່ການປ້ອງກັນແລະປົວພະຍາດຕິດແປດອັນຮ້າຍແຮງເຫຼົ່ານີ້, ເຊັ່ນ ວາງແຜນການປ້ອງກັນແລະປົວກາລະໂລກ, ເພີ່ມທະວີການຕິດຕາມພະຍາດປອດອັກເສບທີ່ບໍ່ຮູ້ສາເຫດແລະການເຕືອນໄພໄລຍະຕົ້ນທີ່ເກີດມີຜູ້ເປັນພະຍາດຊາສ໌, ປ້ອງກັນຄວບຄຸມແລະແກ້ໄຂຈັດວາງການປົວພະຍາດໄຂ້ຫວັດສັດປີກປະເພດຮ້າຍແຮງທີ່ລະບາດໃນໝູ່ຄົນ, ແລະອື່ນໆ.
ກະຊວງສາທາລະນະສຸກຈີນຍັງຮຽກຮ້ອງໃຫ້ພາກສ່ວນທີ່ກ່ຽວຂ້ອງໃນແຫ່ງຕ່າງໆຂອງຈີນດຳເນີນວຽກກວດກາລົບລ້າງຄວາມສ່ຽງໃນເຫດການສາທາລະນະສຸກທີ່ເກີດຂຶ້ນກະທັນຫັນ, ສ້າງສາງຂໍ້ມູນຜົນຮ້າຍທີ່ແຝງຊ້ອນຢູ່ໃນດ້ານສາທາລະນະສຸກ. ນອກນີ້, ກະຊວງສາທາລະນະສຸກຈີນຍັງໄດ້ວາງຍຸດທະສາດປ້ອງກັນແລະຄວບຄຸມພະຍາດຕິດແປດໃໝ່, ເພື່ອຍົກຄວາມສາມາດຕິດຕາມແລະປົວພະຍາດຕິດແປດໃໝ່ແລະພະຍາດທີ່ບໍ່ຮູ້ສາເຫດ.
|
|
|
