|
|
 |
| (GMT+08:00)
2007-02-20 17:45:06
|
 |
|
ຈີນຈະຊຸກຍູ້ການທົດລອງປະຕິຮູບລະບອບນຳໃຊ້ຊັບພະຍາກອນແລະສິ່ງແວດລ້ອມຢ່າງມີການທົດແທນ
cri
Author: mo
ຕາມຂ່າວສານຊີນຮວາ: ປີນີ້, ຈີນຈະຊຸກຍູ້ການທົດລອງປະຕິຮູບລະບອບນຳໃຊ້ຊັບພະຍາກອນແລະສິ່ງແວດລ້ອມຢ່າງມີການທົດແທນ, ເລັ່ງລັດສ້າງສັງຄົມແບບປະຢັດຊັບພະຍາກອນແລະຮັກສາສິ່ງແວດລ້ອມ, ຊຸກຍູ້ການຫັນປ່ຽນຮູບການເຕີບໂຕຂອງເສດຖະກິດ.
ຫວ່າງມໍ່ໆນີ້, ຜູ້ຮັບຜິດຊອບທີ່ກ່ຽວຂ້ອງຂອງກະຊວງການເງິນຈີນກ່າວວ່າ, ປີນີ້, ຈີນຈະເລືອກເອົາຂະແໜງການພະລັງໄຟຟ້າແລະເຂດໜອງທ້າຍຫູດຳເນີນການທົດລອງນຳໃຊ້ສິດລະບາຍສິ່ງໂສໂຄກແບບເສຍຄ່າ ແລະການຊື້ຂາຍການລະບາຍສິ່ງໂສໂຄກ, ເພື່ອເລັ່ງລັດປັບປຸງກົນໄກອາກອນແລະຄ່າທົດແທນທີ່ຊຸກຍູ້ການອະນຸລັກສິ່ງແວດລ້ອມໃຫ້ສົມບູນຂຶ້ນແລະຫຼຸດການລະບາຍສິ່ງເຊື່ອມພິດໃຫ້ໜ້ອຍລົງ. ພ້ອມກັນນັ້ນ, ກໍສະຫຼຸບແລະບູລະນະການທົດລອງປະຕິຮູບລະບອບນຳໃຊ້ຊັບພະຍາກອນຖ່ານຫີນແບບເສຍຄ່າ, ຊຸກຍູ້ການບຸກເບີກຊັບພະຍາກອນຖ່ານຫີນຢ່າງເໝາະສົມແລະມີລະບຽບ. ນອກນັ້ນ, ປີນີ້, ຈີນຍັງຈະເພີ່ມການລົງທຶນເຂົ້າໃນການສ້າງສາຊີວະພາບແລະອະນຸລັກສິ່ງແວດລ້ອມ, ເລັ່ງລັດສ້າງລະບົບນະໂຍບາຍອາກອນການເງິນທີ່ສົ່ງເສີມໃຫ້ປະຢັດພະລັງງານແລະຊັບພະຍາກອນແລະອະນຸລັກສິ່ງແວດລ້ອມ.
|
|
|
