|
|
 |
| (GMT+08:00)
2007-02-21 18:06:38
|
 |
|
ຈີນເຜີຍແຜ່ການສຶກສາພາກບັງຄັບ 9 ປີລົບລ້າງການກືກໜັງສືໃນປະຊາກອນຊາວໜຸ່ມໄວສະກັນເຖີງ 98%
cri
Author: mo
ຕາມຂ່າວສານຊີນຮວາ: ນັບມາຮອດປັດຈຸບັນ, ຈີນເຜີຍແຜ່ການສຶກສາພາກບັງຄັບ 9 ປີ, ໄດ້ລົບລ້າງຜູ້ກືກໜັງສືໃນປະຊາກອນຊາວໜຸ່ມໄວສະກັນເຖິງ 98%ແລ້ວ.
ຕາມຂ່າວຈາກກະຊວງສຶກສາທິການຈີນ, ແຕ່ປີ 2004 ເປັນຕົ້ນມາ, ກິດຈະກຳຕ່າງໆເຊັ່ນ ການສ້າງໂຮງຮຽນກິນນອນໃນຊົນນະບົດ ການສ້ອມແປງຫ້ອງຮຽນທີ່ອັນຕະລາຍໃນໂຮງຮຽນປະຖົມແລະມັດທະຍົມຊົນນະບົດ ແລະການສຶກສາທາງໄກທີ່ທັນສະໄໝຂອງຊົນນະບົດຢູ່ເຂດພາກຕາເວັນຕົກຂອງຈີນໄດ້ດຳເນີນໄປຢ່າງສະດວກ, ໄດ້ປົວແປງເງື່ອນໄຂການສ້າງໂຮງຮຽນປະຖົມແລະມັດທະຍົມໃນຊົນນະບົດຢູ່ເຂດຕາເວັນຕົກໃຫ້ດີຂຶ້ນຢ່າງຫຼວງຫຼາຍ. ປີ 2006, ຈີນໄດ້ນຳໜ້າດຳເນີນການປະຕິຮູບກົນໄກຮັບປະກັນຄ່າໃຊ້ຈ່າຍການສຶກສາພາກບັງຄັບຢູ່ຊົນນະບົດເຂດຕາເວັນຕົກ, ຍົກເວັ້ນຄ່າຮຽນແລະຄ່າໃຊ້ຈ່າຍອື່ນໆ, ຍົກເວັ້ນຄ່າປື້ມຮຽນ, ໃຫ້ເງິນເກື້ອກູນແກ່ນັກຮຽນຄອບຄົວທຸກຍາກທີ່ກິນນອນຢູ່ໂຮງຮຽນ, ໄດ້ຫຼຸດຜ່ອນການຫາບແບກທາງເສດຖະກິດຂອງຊາວກະສິກອນທີ່ສົ່ງລູກເຕົ້າເຂົ້າໂຮງຮຽນ. ອັດຕາເດັກນ້ອຍທີ່ເຖິງໄວຮຽນໃນຊົນນະບົດເຂົ້າໂຮງຮຽນໄດ້ຍົກສູງຂຶ້ນ, ອັດຕາຜູ້ເຊົາຮຽນໄດ້ຫຼຸດໜ້ອຍລົງ.
|
|
|
