|
ປີນີ້, ຈີນຈະສ້າງອາຍເມຕານໃຫ້ຊາວກະສິກອນ 2 ລ້ານ 6 ແສນຄອບຄົວ
cri
Author: mo
ຕາມຂ່າວສານຊີນຮວາ: ຫວ່າງມໍ່ໆນີ້, ກະຊວງກະສິກຳຈີນກ່າວວ່າ, ປີນີ້, ຈີນຈະເລືອກສ້າງອາຍເມຕານໃຊ້ໃນເຮືອນທີ່ສະອາດໃຫ້ 2 ລ້ານ 6 ແສນຄອບຄົວຊາວກະສິກອນໃນທົ່ວປະເທດຈີນ.
ກະສິກອນ 2 ລ້ານ 6 ແສນຄອບຄົວນີ້ສ່ວນຫຼາຍຢູ່ເຂດພາກຕາເວັນຕົກແລະເຂດຜະລິດທັນຍາຫານສຳຄັນ. ການສ້າງອາຍເມຕານຈະດຳເນີນໄປພ້ອມກັນກັບການດັດແປງຄອກໝູ ຫ້ອງສ້ວມ ແລະເຮືອນຄົວ.
ນັບມາຮອດທ້າຍປີ 2005, ຈີນໄດ້ສ້າງອາຍເມຕານໃຫ້ 18 ລ້ານຄອບຄົວແລ້ວ. ການເຜີຍແຜ່ໃຊ້ອາຍເມຕານຢູ່ຊົນນະບົດຢ່າງວ່ອງໄວ ໄດ້ແກ້ໄຂບັນຫາພະລັງງານໃຊ້ທາງຊີວິດການເປັນຢູ່ຂອງຊາວກະສິກອນຢ່າງບັງເກີດຜົນ, ເຮັດໃຫ້ອາຈົມຄົນແລະສັດກາຍເປັນສິ່ງມີປະໂຫຍດ, ແລະໄດ້ປົວແປງສະພາບອະນາໄມໃນຊົນນະບົດຫຼາຍແຫ່ງ.
|
|
