|
|
 |
| (GMT+08:00)
2007-02-26 17:52:35
|
 |
|
ຈີນຈະໃຊ້ມາດຕະການສັງລວມເພື່ອເພີ່ມຄວາມສາມາດໃນການປະດິດສ້າງຂອງວິສາຫະກິດ
cri
Author: da
ຕາມຂ່າວCRI: ໃນຫຼາຍປີຂ້າງໜ້ານີ້, ລັດຖະບານຈີນຈະໃຊ້ຫຼາຍມາດຕະການສັງລວມເພື່ອເພີ່ມຄວາມສາມາດໃນການປະດິດສ້າງຢ່າງເປັນເຈົ້າຕົນເອງຂອງວິສາຫະກິດ.
ວັນທີ 26 ກຸມພານີ້ ໃນກອງປະຊຸມທີ່ຈັດຂຶ້ນຢູ່ປັກກິ່ງ ກະຊວງວິທະຍາສາດເຕັກນິກຈີນກ່າວວ່າ,ໃນຕໍ່ໜ້ານີ້ ຈີນຈະເພີ່ມການສະໜັບສະໜູນການປະດິດສ້າງເຕັກນິກຂອງວິສາຫະກິດຕື່ມອີກ,ກໍ່ຕົວເປັນກົນໄກລົງທຶນຂອງລັດຖະບານທີ່ສະໜັບສະໜູນການປະດິດສ້າງຂອງວິສາຫະກິດ; ນຳໃຊ້ຮູບການລົງທຶນຫຼາຍຢ່າງແບບສັງລວມເຊັ່ນ ອຸດໜູນຢ່າງບໍ່ຄິດຄ່າຕອບແທນ ຖົມຂຸມດອກເບ້ຍຂອງເງິນກູ້ເປັນຕົ້ນ,ເຈາະຈົງສະໜັບສະໜູນການປະດິດສ້າງເຕັກນິກຂອງວິສາຫະກິດ;ນອກນີ້,ຍັງຈະໃຊ້ກົນໄກຕະຫຼາດ,ຊຸກຍູ້ໃຫ້ການຜະລິດແລະການຮ່ຳຮຽນຄົ້ນຄວ້າປະສານສົມທົບກັນຢ່າງສະໜິດແໜ້ນ,ສະໜອງການຄ້ຳຊູອັນແຂງແຮງໃຫ້ແກ່ການເຕີບໃຫຍ່ຂອງວິສາຫະກິດແບບປະດິດສ້າງ.
ຕາມແຈ້ງວ່າ,ຄວາມສາມາດໃນການປະດິດສ້າງເຕັກນິກຂອງວິສາຫະກິດຈີນໃນປະຈຸບັນນີ້ ອ່າວອ່ອນແອ,ວິສາຫະກິດທີ່ມີເຕັກນິກແກນກາງໃນດ້ານສິດຊັບສິນທາງປັນຍາຢ່າງເປັນເຈົ້າຕົນເອງມີພຽງແຕ່ 3 ສ່ວນໝື່ນເທົ່ານັ້ນ; ປີ2005,ການລົງທຶນໃນການຄົ້ນຄວ້າ ການທົດລອງແລະການພັດທະນາວິທະຍາສາດຂອງວິສາຫະກິດອຸດສາຫະກຳຂະໜາດກາງແລະຂະໜາດໃຫຍ່ຂອງຈີນກວມຍອດມູນຄ່າການຜະລິດຂອງຕົນບໍ່ຮອດ 1%. ເພື່ອເລື່ອງນີ້,ລັດຖະບານຈີນໄດ້ສະເໜີອອກມາວ່າ ຈະເຮັດໃຫ້ວິສາຫະກິດກາຍເປັນອົງກອນຫຼັກໃນການປະດິດສ້າງ,ປີກາຍນີ້ ໄດ້ກຳນົດເອົາວິສາຫະກິດ100ກວ່າແຫ່ງເປັນຈຸດທົດລອງການປະດິດສ້າງເຕັກນິກ.
|
|
|
