ຕາມ​ຂ່າວສານ​ຊິນ​ຮວາ:"ລູກ​ຂອງ​ເມືອງ​ນ້ອຍ​ອີງ​ໂຈ່ວ"-​ເຊິ່ງ​ເປັນຟິມ​ເອກະ​ສານ​ທີ່​ສ່ອງ​ແສງ​ສະພາບ​ຊີວິດ​ການ​ເປັນຢູ່​ຂອງ​ລູກ​ກຳ​ພ້າກຳ​ພອຍ​ຍ້ອນ​ພະຍາດ​ເອດຂອງ​ຈີນ,ໄດ້ຮັບ​ລາງວັນ​ຮູບ​ເງົາ​ສັ້ນ​ທີ່​ດີ​ເລີດຂອງ​ອົສກາຄັ້ງ​ທີ79.ນີ້​ແມ່ນ​ລາງວັນພຽງ​ໜຶ່ງ​ດຽວ​ທີ່​ຜູ້​ຜະລິດຟິມຈີນ​ໄດ້​ຮັບ​​ໃນ​ອົສກາ​ຄັ້ງ​ນີ້.ຟິມ​ເອກະ​ສານດັ່ງ​ກ່າວ​ແມ່ນ​ຈີນ​ກັບ​ອາ​ເມລິ​ກາ​ຖ່າຍ​ຮ່ວມກັນ,​ໄດ້​ບັນ​ທຶກ​ພາບ​ຕ່າງໆ​ທີ່​ສະມາ​ຄົມ​ຊ່ອຍ​​ເຫຼືອ​ເດັກ​ທຸກ​ຍາກ​ຍ້ອນ​ພະຍາດ​ເອດ​ເມືອງ​ຟູ້​ຢາງ​ແຂວງ​ອ່ານ​ຮຸ່ຍ​ຂອງ​ຈີນ​ໄປ​ຢາມ​ແລະ​ຊ່ອຍ​​ເຫຼືອ​ເດັກ​ທຸກ​ຍາກ​ຍ້ອນ​ພະຍາດ​ເອດ​ແລະ​ສະ​ຫຼອງ​ຍາມ​ບຸນ​ຮ່ວມກັບ​ເຂົາ​ເຈົ້າ,ຍ້ອນ​ວ່າ​​ເລື່ອງ​ໃນ​ຟິມດັ່ງກ່າວ​ແມ່ນ​ເລື່ອງ​ຈິງ​ທັງ​ໝົດ,ສະ​ນັ້ນ,ຈິ່ງ​ເຮັດ​ໃຫ້​ຄົນ​ກະ​ຕຸ້ນ​ໃຈຫຼາຍ.

ຈີນ​ພວມ​ປະ​ເຊີນ​ກັບ​ການ​ທ້າ​ທາຍ​ຂອງ​ພະຍາດ​ເອດ.ຕາມ​ສະຖິຕິ,ປັດຈຸ​ບັນ,ຢູ່​ຈີນ​ມີ​ຜູ້​ຕິດ​​ເຊື້ອ​HIV​ປະມານ​6​ແສນ5​ໝື່ນ​ຄົນ,ອັດຕາ​ການຕິດ​ເຊື້ອ​ມີ​0,05%.ປັດຈຸບັນ,ຈີນ​ມີ​ລູກ​ກຳພ້າ​ກຳ​ພອຍ​ຍ້ອນພະຍາດ​ເອດ​ປະມານ7​ໝື່ນ6​ພັນ​ຄົນ.

ຫວ່າງ​ມໍ່ໆ​ນີ້,ກະ​ຊວງ​ສາທາ​ລະນະ​ສຸກ​ຈີນ​ເຜີຍ​ໃຫ້​ຮູ້​ວ່າ,ຈະ​ຮ່ວມ​ກັນ​ຈັດ​ກິດ​ຈະກຳ​ໃຫ້ເດັກ​ນ້ອຍ​ແລະ​ຊາວ​ໜຸ່ມ​ເຍົາວະ​ຊົນປ້ອງ​ກັນ​ພະຍາດ​ເອດ​​ຢູ່​ທົ່ວ​ປະ​ເທດ​,ຕັ້ງໜ້າ​ຊຸກ​ຍູ້​ກິດຈະກຳ​ຊ່ອຍ​ເຫຼືອ​ເອົາ​ໃຈ​ໃສ່​ແລະ​ຕ້ານ​ການ​ດູ​ໝິ່ນ​ທີ່​ຖື​ຄອບຄົວ​ແລະເຂດ​ຊຸມ​ຊົນ​ເປັນພື້ນ​ຖານ,ປັບ​ປຸງນະ​ໂຍບາຍ​ຕ່າງໆ​ເພື່ອ​ຊ່ອຍ​ເຫຼືອ​​ເດັກ​ກຳພ້າ​ກຳ​ພອຍ​ຍ້ອນ​ພະຍາດ​ເອດ​​ໃຫ້​ມີ​ປະສິດ​ທິພາບ​ກວ່າ​ເກົ່າ.