|
|
 |
| (GMT+08:00)
2007-02-28 17:53:32
|
 |
|
ອິດທິກຳລັງໃຫ້ໄຕ້ຫວັນເປັນເອກະລາດບິດເບືອນຄວາມຈິງປະຫວັດສາດຂອງ"ການລຸກຮືຂຶ້ນສູ້ 28 ກຸມພາ"ໄດ້ທຳລາຍຜົນປະໂຫຍດຂອງພີ່ນ້ອງຮ່ວມຊາດໄຕ້ຫວັນ
cri
ຕາມຂ່າວ CRI: ວັນທີ 28 ກຸມພານີ້ ທ່ານຫຼີເວີຍອີ ໂຄສົກຫ້ອງການວຽກງານໄຕ້ຫວັນລັດຖະບານຈີນກ່າວວ່າ, ອິດທິກຳລັງຢາກໃຫ້ໄຕ້ຫວັນເປັນເອກະລາດບິດເບືອນຄວາມຈິງປະຫວັດສາດຂອງ"ການລຸກຮືຂຶ້ນສູ້ 28 ກຸມພາ"ແມ່ນເພື່ອປັ້ນແຕ່ງການເປັນປໍລະປັກກັນລະຫວ່າງຊຸມຊົນຕ່າງໆແລະສັງຄົມໄຕ້ຫວັນ,ແລະເພື່ອໂຄສະນາການເຄື່ອນໄຫວແບ່ງແຍກໄຕ້ຫວັນເປັນເອກະລາດ, ການກະທຳດັ່ງກ່າວໄດ້ທຳລາຍຜົນປະໂຫຍດຂອງພີ່ນ້ອງຮ່ວມຊາດໄຕ້ຫວັນອັນໄພສານ.
ທ່ານຫຼີເວີຍອີແມ່ນກ່າວຄວາມນີ້ໃນກອງປະຊຸມຂ່າວທີ່ຈັດຂຶ້ນຢູ່ປັກກິ່ງໃນມື້ດຽວກັນ. ທ່ານເວົ້າວ່າ,"ການລຸກຮືຂຶ້ນສູ້ 28 ກຸມພາ"ທີ່ເກີດຂຶ້ນໃນປີ 1947 ແມ່ນຂະບວນການຮັກຊາດ,ປະຊາທິປະໄຕແລະປົກຄອງຕົນເອງຂອງພີ່ນ້ອງຮ່ວມຊາດໄຕ້ຫວັນເພື່ອຄັດຄ້ານການປົກຄອງຜະເດັດການຂອງເຈົ້າໜ້າທີ່ພັກກົກມິນຕັງໃນສະໄໝນັ້ນ,ແມ່ນພາກສ່ວນໜຶ່ງຂອງການຕໍ່ສູ້ປົດປ່ອຍຂອງປະຊາຊົນຈີນ. ຝ່າຍແຜ່ນດິນໃຫຍ່ຫວັງຢ່າງຈິງໃຈໃຫ້ພີ່ນ້ອງຮ່ວມຊາດໄຕ້ຫວັນທີ່ບໍ່ຈຳແນກເປັນຄົນແຂວງໃດ,ຢູ່ຮ່ວມກັນດ້ວຍຄວາມປອງດອງ,ຫວັງໃຫ້ພີ່ນ້ອງຮ່ວມຊາດສອງຝັ່ງເພີ່ມທະວີການແລກປ່ຽນກັນແລະເພີ່ມຄວາມເຂົ້າໃຈກັນ,ພ້ອມກັນສະແຫວງຫາອະນາຄົດອັນແຈ້ງຈະຫວ່າງຂອງການຂະຫຍາຍການພົວພັນລະຫວ່າງສອງຝັ່ງໂດຍສັນຕິ.
|
|
|
