ຕາມ​ຂ່າວສານ​ຊິນ​ຮວາ:​ຫວ່າງ​ມໍ່ໆ​ນີ້,​ໂຮງ​ຮຽນ​ປະຖົມ​ແລະ​ໂຮງຮຽນ​ມັດ​ທະຍົມຈີນ​​ໄດ້​ທະຍອຍ​ກັນ​ເລິ່ມ​ໄຂ​ສົກຮຽນ,​ເພື່ອ​ຮັບ​ປະກັນ​ເດັດ​ຢູ່​ຊົນນະ​ບົດ​ໃນ​ໄລຍະການ​ສຶກສາ​ພາກ​ບັງຄັບ​​ເຂົ້າຮຽນ​​ໂດຍ​ບໍ່​ໄດ້​ເສຍ​ຄ່າ,ລັດຖະບານ​ໃຊ້​ງົບປະ​ມານ10​ຕື້600​ລ້ານ​ຢວນ,ປັດຈຸ​ບັນ,ງົບປະ​ມານນີ້​ໄດ້​ໄປ​ຮອດ​ເປົ້າ​ໝາຍ​ແລ້ວ.

ງົບ​ປະມານນີ້​ລວມທັງ​:ທຶນ1​ຕື້400​ລ້ານ​ຢວນທີ່​ສະໜອງ​ແບບ​ຮຽນ​ໃຫ້​ແກ່ນັກ​ຮຽນຜູ້​ທຸກ​ຍາກ.ນີ້​ແມ່ນ​ນະ​ໂຍບາຍ​ໃຫ້​ຜົນ​ປະ​ໂຫຍ​ດ​ແກ່​ປະຊາຊົນ​ທີ່​ຫຼັງ​ຈາກປີ2006,​ໄດ້ຍົກ​ເວັ້ນຄ່າ​ຮຽນ​ແລະ​ຄ່າ​ຕ່າງໆຂອງ​ນັກຮຽນ​ຊົນນະບົດໃນ​ໄລຍະການ​ສຶກສາ​ພາກ​ບັງຄັບ​ຂອງ​ເຂດ​ພາກ​ຕາ​ເວັນ​ຕົກຈີນ,​ແລ້ວ​ຂະຫຍາຍ​​ໄປ​ສູ່​​ຊົນນະບົດ​ທົ່ວ​ປະ​ເທດ​ຈີນ​ຕື່ມ​ອີກ.

ຈີນ​ປະ​ຕິບັດ​ລະບົບການ​ສຶກສາ​ພາກ​ບັງຄັບ​9ປີ,ໝາຍ​ຄວາມວ່າ​​ໂຮ​ງຮຽນ​ປະຖົມ​6ປີແລະ​ມັດ​ທະຍົມ​ຕອນ​ຕົ້ນ3​ປີ.​ໃນ​ເດືອນ​ມີນາ​ປີ​ກາຍ​ນີ້​,ລັດ​ຖະບານ​ຈີນ​ຊີ້​ອອກ​ວ່າ,ຈະ​ໃຊ້​ເວລາ2​ປີ​ຍົກ​ເວັ້ນຄ່າ​ຮຽນ​ແລະ​ຄ່າ​ອື່ນໆທັງ​ໝົດ​ຂອງ​ນັກຮຽນ​ໃນ​​ໄລຍະ​ການ​ສຶກສາ​ພາກ​ບັງຄັບ,"ກົດ​ໝາຍວ່າ​ດ້ວຍ​ການ​ສຶກສາ​ພາກ​ບັງຄັບ"ຂອງ​ຈີນ​ກໍ່​ກຳນົດ​ຢ່າງ​ຈະ​ແຈ້ງວ່າ,ງົບປະ​ມານການ​ສຶກສາ​ຈະອ່ຽງ​ໄປ​ສູ່​ໂຮງ​ຮຽນ​ຊົນນະບົດ.