|
ວຽກງານຮັບປະກັນການປິ່ນປົວຂອງງານກິລາໂອລິມປິກປັກກິ່ງພວມດຳເນີນໄປຢ່າງສະດວກ
cri
ຕາມຂ່າວCRI,ວັນທີ2ມີນານີ້,ໃນເວລາໃຫ້ສຳພາດຕໍ່ນັກຂ່າວCRI,ນາງເຕິ້ງສ້ຽວຫົງ ຮອງຫົວໜ້າພະແນກສາທາລະນະສຸກນະຄອນຫຼວງປັກກິ່ງກ່າວວ່າ,ວຽກງານທຸກດ້ານກ່ຽວກັບການຮັບປະກັນປິ່ນປົວຂອງງານກິລາໂອລິມປິກປັກກິ່ງປີ2008 ພວມດຳເນີນໄປຢ່າງສະດວກ,ປັກກິ່ງຈະສະໜອງການບໍລິການດ້ານການປິ່ນປົວພະຍາດທີ່ມີປະສິດທິພາບ,ມີແບບແຜນແລະສະດວກວ່ອງໄວໃຫ້ແກ່ງານກິລາໂອລິມປິກ.
ນາງເຕິ້ງສ້ຽວຫົງກ່າວວ່າ:ປັດຈຸບັນ,ປັກກິ່ງໄດ້ວາງແຜນຮັບປະກັນການບໍລິການດ້ານການປິ່ນປົວທີ່ແນໃສ່ບ້ານນັກກິລາ,ຫໍກິລາແລະສະໜາມກິລາ,ໄດ້ກຳນົດໂຮງໝໍ20ແຫ່ງເພື່ອຮັບໃຊ້ງານນີ້ໂດຍສະເພາະ.ປັກກິ່ງຍັງພວມກໍ່ສ້າງລະບົບເຄືອຂ່າຍຊ່ວຍເຫຼືອດ່ວນທີ່ກວມທົ່ວນະຄອນຫຼວງປັກກິ່ງເຊິ່ງລວມທັງຊານເມືອງ,ແລະໄດ້ວາງແຜນຮັບມືຕໍ່ເຫດການສາທາລະນະສຸກທີ່ອາດຈະເກີດຂຶ້ນຢ່າງກະທັນຫັນ.
|
|
