|
|
 |
| (GMT+08:00)
2007-03-05 18:55:51
|
 |
|
ການສິ້ນເປືອງພະລັງງານແລະການຜະລິດຢ່າງສະອາດໃນໂຄງການຂອງກຸ່ມເຫລັກກ້ານະຄອນຫລວງໃຫມ່ຂອງຈີນຈະບັນລຸເຖິງລະດົບສາກົນ
cri
Author: sayvanny
ຕາມຂ່າວສານຊີນຮວາ:ຫວ່າງມໍ່ໆນີ້,ທ່ານຈູ່ຈີ້ມິນ ຜູ່ອຳນວຍການໃຫຍ່ຂອງກຸ່ມເຫລັກກ້ານະຄອນຫລວງຈີນເວົ້າວ່າ, ຄາດຫມາຍການສິ້ນເປືອງພະລັງງານແລະການຜະລິດຢ່າງສະອາດໃນໂຄງການກຸ່ມເລຫັກກ້ານະຄອນຫລວງໃຫມ່ທີ່ຈະເລີ່ມກໍ່ສ້າງໃນໄວໆນີ້ຈະບັນລຸເຖິງລະດັບກ້າວຫນ້າຂອງໂລກ.
ທ່ານຈູ່ຈີ້ມິນເວົ້າວ່າ, ການປະເມີນການຍົກຍ້າຍກຸ່ມເຫລັກກ້ານະຄອນຫລວງແລະການອະນຸລັກສິ່ງແວດລ້ອມໃນໂຄງການຂອງກຸ່ມເຫລັກກ້ານະຄອນຫລວງໃຫມ່ໄດ້ຮັບອະນຸມັດຈາກກົມໃຫຍ່ອະນຸລັກສິ່ງແວດລ້ອມແຫ່ງຊາດຈີນເມື່ອປີກາຍນີ້.ບົດລາຍງານປະເມີນການອະນຸລັກສິ່ງແວດລ້ອມຂຽນວ່າ,ອັດຕານຳໃຊ້ຂອງເສຍທີ່ເປັນຂອງແຂງຂອງກຸ່ມເຫລັກກ້ານະຄອນຫລວງໃຫມ່ຈະບັນລຸເຖິງ 99,5%,ອັດຕານຳໃຊ້ນ້ຳຄືນໃຫມ່ຈະບັນລຸເຖິງ 97,5%.
ເພື່ອຄວບຄຸມປະລິມານສິ່ງໂສໂຄກທີ່ລະບາຍອອກ,ປົວແປງຄຸນນະພາບອາກາດໃຫ້ດີຂຶ້ນ,ໃນຫລາຍປີມານີ້,ປັກກິ່ງໄດ້ຍ້າຍວິສາຫະກິດອຸດສາຫະກຳຂະຫນາດໃຫຍ່ຈຳນວນຫນຶ່ງເຊັ່ນກຸ່ມເຫລັກກ້ານະຄອນຫລວງເປັນຕົ້ນໄປຕັງຢູ່ບ່ອນໃຫມ່.ກຸ່ມເຫລັກກ້ານະຄອນຫລວງໃຫມ່ທີ່ຈະລົງມືກໍ່ສ້າງນັ້ນຕັ້ງຢູ່ເມືອງຖາງຊານແຂວງເຫີໄປຈີນ.
|
|
|
