|
|
 |
| (GMT+08:00)
2007-03-06 16:31:48
|
 |
|
ຈີນຈະເລັ່ງລັດການກໍ່ສ້າງກະສິກຳທີ່ທັນສະໄຫມ
cri
Author: sayvanny
ຕາມຂ່າວ cri:ວັນທີ 6 ມີນາ ຢູ່ປັກກິ່ງ, ທ່ານຈ່າງປາວເວີນ ລັດຖະມົນຕີຊ່ວຍວ່າການກະຊວງກະສິກຳຈີນກ່າວວ່າ:ຈີນຈະເລັ່ງລັດການກໍ່ສ້າງກະສິກຳທີ່ທັນສະໄຫມ, ປົກປັກຮັກສາຄວາມປອດໄພດ້ານທັນຍາຫານຂອງລັດ,ໃຫ້ຊາວກະສິກອນມີລາຍໄດ້ເພີ່ມຂຶ້ນ.
ທ່ານຈ່າງປາວເວີນແມ່ນໃຫ້ທັດສະນະດັ່ງກ່າວໃນຖານະເປັນກຳມະການສະພາປຶກສາການເມືອງແຫ່ງຊາດຈີນໃນກອງປະຊຸມຂ່າວທີ່ກອງປະຊຸມປະຈຳປີຂອງສະພາດັ່ງກ່າວທີ່ຈັດຂຶ້ນໃນມື້ດຽວກັນ.ທ່ານກ່າວວ່າ, ປີນີ້,ຈີນຈະສືບຕໍ່ຫັນປ່ຽນວິທີຜະລິດກະສິກຳ,ເປີດກວ້າງພາລະບົດບາດແລະຂົງເຂດຂອງກະສິກຳ, ຍົກຄວາມສາມາດຜະລິດສັງລວມແລະກຳລັງແກ່ງແຍ່ງໃນຕະຫລາດຂອງກະສິກຳໃຫ້ສູງຂຶ້ນ,ແລະຈະເພີ່ມການສະຫນັບ ສະຫນູນກະສິກຳໃນດ້ານການວາງນະໂຍບາຍ,ໃຫ້ຄວາມຊ່ວຍເຫລືອດ້ານວິທະຍາສາດເຕັກນິກແລະການເພີ່ມນັກວິຊາການ.
ທ່ານຈ່າງປາວເວີນເປີດເຜີຍວ່າ, ປີນີ້, ຈີນຈະອອກແຮງພັດທະນາ 6 ອຸດສາຫະກຳຄື ການປູກທັນຍາຫານ,ການປູກພືດເສດຖະກິດແລະການເຮັດສວນເປັນຕົ້ນ, ຜ່ານການພັດທະນາການລ້ຽງສັດລະບົບນິເວດວິທະຍາ,ການຕິດຕາມຄວບຄຸມຄຸນນະພາບແລະຄວາມປອດໄພຂອງຜະລິດຕະພັນກະສິກຳ,ການປ້ອງກັນຄວບຄຸມໄຂ້ຫວັດສັດປີກແລະມາດຕະການອື່ນໆມາຍົກຄວາມສາມາດຜະລິດສັງລວມຂອງກະສິກຳໃຫ້ສູງຂຶ້ນ.
|
|
|
