|
|
 |
| (GMT+08:00)
2007-03-06 18:57:09
|
 |
|
ຜູ້ຮັບຜິດຊອບທີ່ກ່ຽວຂ້ອງຂອງຈີນໃຫ້ສຳພາດກ່ຽວກັບເຈດຈຳນົງແບ່ງແຍກໄຕ້ຫວັນໃຫ້ເປັນເອກະລາດຂອງເສີນສຸຍປຽນ
cri
Author: mo
ຕາມຂ່າວສານຊີນຮວາ: ວັນທີ 5 ມີນາ, ຜູ້ຮັບຜິດຊອບຫ້ອງການວຽກງານໄຕ້ຫວັນຂອງສູນກາງພັກກອມມູນິດຈີນແລະຂອງຄະນະລັດຖະບານຈີນໄດ້ໃຫ້ສຳພາດກ່ຽວກັບເສີນສຸຍປຽນປະກາດເຈດຈຳນົງແບ່ງແຍກໄຕ້ຫວັນໃຫ້ເປັນເອກະລາດ, ຊີ້ອອກວ່າ, ນີ້ແມ່ນເສີນສຸຍແປນເປີດປ່າວເຈດຈຳນົງໃຫ້ໄຕ້ຫວັນເປັນເອກະລາດຢ່າງເປີດແປນ, ຢ່ວງບາດກ້າວອັນຕະລາຍອີກກ້າວໜຶ່ງຕາມເສັ້ນທາງແບ່ງແຍກໄຕ້ຫວັນໃຫ້ເປັນເອກະລາດ.
ຜູ້ຮັບຜິດຊອບຜູ້ນີ້ເວົ້າວ່າ, ພວກເຮົາໄດ້ຊີ້ອອກຫຼາຍເທື່ອວ່າ, ເສີນສຸຍປຽນຜ່ານ"ດັດແກ້ລັດຖະທຳມະນູນ"ເພື່ອສະແຫວງໃຫ້"ໄຕ້ຫວັນເປັນເອກະລາດໃນດ້ານກົດໝາຍ" ແລະແບ່ງແຍກປະເທດຊາດ ຈະສ້າງຄວາມອັນຕະລາຍອັນໜັ່ງໜ່ວງຕໍ່ສັນຕິພາບແລະສະຖຽນລະພາບຂອງຮ່ອມທະເລໄຕ້ຫວັນຈົນເຖິງພາກພື້ນອາຊີປາຊີຟິກ. ສະພາວະການໃນປັດຈຸບັນສະແດງໃຫ້ເຫັນວ່າ, ເສີນສຸຍປຽນຫຼີ້ນກົນອຸບາຍເກົ່າແມ່ນເພື່ອຕັ້ງແກ້ງທ້າທາຍເກາະຜິດກັບແຜ່ນດິນໃຫຍ່ປະເທດຊາດ, ສ້າງຄວາມເຄັ່ງຕຶງໃຫ້ແກ່ການພົວພັນລະຫວ່າງສອງຝັ່ງ, ຫັນຍ້າຍຄວາມສົນໃຈຂອງຄົນທັງຫຼາຍເພື່ອໃຫ້ຕົນພົ້ນຈາກຄວາມອັດຕະຄັດ. ພວກເຮົາຈະເອົາໃຈໃສ່ນຳການຂະຫຍາຍຕົວຂອງສະພາວະການດັ່ງກ່າວຢ່າງໃກ້ຊິດ, ບໍ່ອະນຸຍາດໃຫ້ອິດທິກຳລັງແບ່ງແຍກຂອງໄຕ້ຫວັນຕັດແຍກໄຕ້ຫວັນອອກຈາກຈີນດ້ວຍຂໍ້ອ້າງໃດໆແລະວິທີໃດໆຢ່າງເດັດຂາດ.
ຕອນຄ່ຳວັນທີ 4 ມີນານີ້, ໃນເວລາເຂົ້າຮ່ວມການເຄື່ອນໄຫວຂອງກຸ່ມ"ໄຕ້ຫວັນເອກະລາດ"ນັ້ນ, ເສີນສຸຍປຽນໄດ້ກ່າວຖ້ອຍຄວາມທີ່ວ່າ"ໄຕ້ຫວັນຕ້ອງເປັນເອກະລາດ ຕ້ອງມີຊື່ທີ່ຖືກຕ້ອງ ຕ້ອງມີລັດຖະທຳມະນູນໃໝ່ ແລະຕ້ອງພັດທະນາ, ໄຕ້ຫວັນບໍ່ມີແນວທາງເບື້ອງຂວາແລະເບື້ອງຊາຍ, ມີແຕ່ບັນຫາເປັນເອກະລາດ.
|
|
|
