|
ການຮັກສາສິ່ງແວດລ້ອມຊີວະພາບຂອງຕິເບດແມ່ນໜ້າທີ່ສຳຄັນຂອງພະແນກຕ່າງໆໃນເຂດຕິເບດໃນປັດຈຸບັນ
cri
Author: mo
ຕາມຂ່າວສານຊີນຮວາ: ວັນທີ 7 ມີນານີ້, ຢູ່ທີ່ປັກກິ່ງ, ທ່ານຈ່າງຊີ້ງລີ ເລຂາຄະນະພັກເຂດຕິເບດປົກຄອງຕົນເອງຂອງຈີນກ່າວວ່າ, ສິ່ງແວດລ້ອມຊີວະພາບຂອງເຂດຕິເບດອ່ອນແອຫຼາຍ, ຖ້າທຳລາຍແລ້ວກໍຟື້ນຟູຍາກທີ່ສຸດ, ສະນັ້ນ, ການຮັກສາສິ່ງແວດລ້ອມຊີວະພາບຂອງຕິເບດແມ່ນໜ້າທີ່ສຳຄັນຂອງພາກສ່ວນຕ່າງໆຂອງເຂດຕິເບດໃນປັດຈຸບັນ.
ທ່ານຈ່າງຊີ້ງລີກ່າວວ່າ, ເຂດຕິເບດຈະບໍ່ເອົາການສະຫຼະສິ່ງແວດລ້ອມເປັນຄ່າຕອບແທນໄປສະແຫວງຫາການພັດທະນາເສດຖະກິດໃນຊົ່ວຄາວ. ໃນເວລາການບຸກເບີກຊັບພະຍາກອນກັບການອະນຸລັກສິ່ງແວດລ້ອມມີຄວາມຂັດແຍ່ງກັນນັ້ນ, ຈະເອົາການອະນຸລັກສິ່ງແວດລ້ອມເປັນປະຖົມປັດໄຈ, ເດີນຕາມເສັ້ນທາງພັດທະນາການຜະລິດ ຊີວິດຮັ່ງມີແລະຊີວະພາບດີງາມ.
ທ່ານຈ່າງຊີ້ລີຍັງກ່າວວ່າ, ການໃຫ້ໄຕ້ໄຟສັກສິດໂອລິມປິກຢູ່ຈອມພູຈູມູລັງມາ ຈອມພູສູງກວ່າໝູ່ໃນໂລກຢູ່ເຂດຕິເບດນັ້ນ, ຈະບໍ່ທຳລາຍສິ່ງແວດລ້ອມ, ນີ້ແມ່ນຄຳໝັ້ນສັນຍາອັນເຄັ່ງຂຶມຂອງລັດຖະບານຈີນທີ່ມີຕໍ່ຄະນະກຳມະການໂອລິມປິກສາກົນ.
ປັດຈຸບັນ, ສິ່ງແວດລ້ອມຊີວະພາບພູພຽງຊິງຫາຍຕິເບດທີ່ຢ່ໃນູເຂດຕິເບດໄດ້ຮັບຄວາມເອົາໃຈໃສ່ຈາກທົ່ວໂລກ, ແຫ່ງນີ້ແມ່ນເຂດແຫຼ່ງນ້ຳທີ່ສຳຄັນຂອງອາຊີ, ແມ່ນສາງແຊນຊີວະຊາດແລະຊີວະພັນທີ່ສຳຄັນຂອງໂລກ.
|
|
