|
|
(GMT+08:00)
2007-03-09 18:53:42
|
|
ຈີນກັບສປປເກົາຫລີແລກປ່ຽນຄວາມເຫັນກ່ຽວກັບເລື່ອງທີ່ກ່ຽວຂ້ອງກັບການເຈລະຈາ 6 ຝ່າຍຮອບໜ້າ
cri
Author: MO
ຕາມຂ່າວສານຊີນຮວາ: ວັນທີ 9 ມີນານີ້ຢູ່ທີ່ປັກກິ່ງ, ທ່ານອູຕ້າເວີຍ ລັດຖະມົນຕີຊ່ວຍວ່າການກະຊວງການຕ່າງປະເທດຈີນເຜີຍໃຫ້ຮູ້ວ່າ, ຕອນເຊົ້າວັນທີ 9 ມີນານີ້, ທ່ານໄດ້ພົບປະທ່ານກິມເກກວນ ລັດຖະມົນຕີຊ່ວຍວ່າການກະຊວງການຕ່າງປະເທດສປປເກົາຫລີຢູ່ທີ່ປັກກິ່ງ. ທ່ານກິມເກກວນໄດ້ແຈ້ງສະພາບການພົບປະລະຫວ່າງສປປເກົາຫລີກັບອາເມລິກາຢູ່ທີ່ນິວຢອກ, ສອງຝ່າຍໄດ້ແລກປ່ຽນຄວາມເຫັນກ່ຽວກັບເລື່ອງທີ່ກ່ຽວຂ້ອງກັບການເຈລະຈາ 6 ຝ່າຍຮອບໜ້າ.
ພາຍຫຼັງກອງປະຊຸມໄລຍະທີສາມຂອງການເຈລະຈາ 6 ຝ່າຍຮອບ 5 ກ່ຽວກັບບັນຫານິວເຄຼຍແຫຼມເກົາຫລີໄດ້ຮັບໝາກຜົນສຳຄັນແລ້ວ, ຫວ່າງມໍ່ໆນີ້, ສປປເກົາຫລີໄດ້ຕິດຕໍ່ພົວພັນກັບອາເມລິກາ ສ.ເກົາຫລີແລະຍີ່ປຸ່ນຫຼາຍຂຶ້ນ. ທ່ານອູຕ້າເວີຍເວົ້າວ່າ, ຝ່າຍຈີນຍິນດີຕ້ອນຮັບປະເທດທີ່ກ່ຽວຂ້ອງປັບປຸງການພົວພັນສອງຕໍ່ສອງ. ການພົວພັນລະຫວ່າງປະເທດເຫຼົ່ານີ້ດີຂຶ້ນມີຜົນດີຕໍ່ການປົກປັກຮັກສາສັນຕິພາບແລະສະຖຽນລະພາບຂອງພາກພື້ນ, ຊຸກຍູ້ໃຫ້ພັດທະນາພ້ອມກັນ, ນີ້ກໍສອດຄ່ອງກັບທັດສະນະຄະຕິທີ່ສ້າງໂລກໃຫ້ກົມກຽວກັນ.
|
|
|