|
|
 |
| (GMT+08:00)
2007-03-11 16:05:21
|
 |
|
ຜູ່ນຳພັກລັດຈີນເຂົ້າຮ່ວມງານລ້ຽງນ້ຳຊາໃຫ້ກຽດແກ່ຜູ່ແທນແລະກຳມະການຊົນເຜົ່າສ່ວນໜ້ອຍທີ່ເຂົ້າຮ່ວມກອງປະຊຸມສອງສະພາ
cri
Author: da
ຕາມຂ່າວສານຊິນຮວາ: ຕອນຄ່ຳວັນທີ 10 ມີນານີ້ ຜູ່ນຳພັກລັດຈີນເຊັ່ນທ່ານຫູຈິນທາວ ທ່ານອູປາງໂກແລະທ່ານເວີນເຈຍປາວພ້ອມກັບຜູ່ແທນແລະກຳມະການຊົນເຜົ່າສ່ວນໜ້ອຍທີ່ເຂົ້າຮ່ວມກອງປະຊຸມຄັ້ງທີ 5 ຂອງສະພາປະຊາຊົນແຫ່ງຊາດຈີນສະໄໝທີ 10ແລະກອງປະຊຸມຄັ້ງທີ 5 ຂອງສະພາປຶກສາການເມືອງແຫ່ງຊາດຈີນສະໄໝທີ 10 ໄດ້ເຕົ້າໂຮມກັນຢູ່ຫໍສະພາປະຊາຊົນປັກກິ່ງ,ເພື່ອສະຫຼອງການໄຂກອງປະຊຸມສອງສະພາຢ່າງມີໄຊ.
ຢູ່ຈີນ ນອກຈາກເຜົ່າຮັ້ນແລ້ວ,ຍັງມີ 55 ຊົນເຜົ່າສ່ວນໜ້ອຍ.ໃນສະພາປະຊາຊົນແຫ່ງຊາດຈີນແລະສະພາປຶກສາການເມືອງແຫ່ງຊາດຈີນ,ລ້ວນແຕ່ມີຜູ່ແທນແລະກຳມະການຂອງສອງສະພາດັ່ງກ່າວ.
ທ່ານຫູຈິນທາວໂອ້ລົມຢ່າງອົບອຸ່ນກັບຜູ່ແທນເຜົ່າເວອູແລະເຜົ່າຕິເບດທີ່ນັ່ງຢູ່ຂ້າງ.ທ່ານສະແດງຄວາມເອົາໃຈໃສ່ນຳສະພາບການສ້າງສາຂອງທ້ອງຖິ່ນແລະຊີວິດການເປັນຢູ່ຂອງປະຊາຊົນ.
ທ່ານອູປາງໂກ ທ່ານເວີນເຈຍປາວ ທ່ານເຈຍຊິງລິນ ທ່ານເຈີງຊິງຫົງ ທ່ານອູກວານເຈີງ ທ່ານຫຼີຊາງຊູນແລະທ່ານໂລການ,ກໍລົມກັບຜູ່ແທນແລະກຳມະການຊົນເຜົ່າສ່ວນໜ້ອຍຢ່າງອົບອຸ່ນ,ເຊີດຊູກຳລັງໃຈໃຫ້ເຂົາເຈົ້າປະຕິບັດສິດຂອງຜູ່ແທນແລະໜ້າທີ່ຮັບຜິດຊອບຂອງກຳມະການຢ່າງຈິງຈັງ,ຕັ້ງໜ້າສ່ອງແສງຄວາມປາຖະໜາແລະຄວາມຮຽກຮ້ອງຕ້ອງການຂອງປະຊາຊົນຊົນເຜົ່າຕ່າງໆ,ປະກອບສ່ວນເຂົ້າໃນກອງປະຊຸມສອງສະພາຢ່າງສຳເລັດຜົນ.
|
|
|
