|
|
 |
| (GMT+08:00)
2007-03-11 16:25:30
|
 |
|
ປີນີ້ ຈີນຈະສ້າງລະບອບຮັບປະກັນຊີວິດການເປັນຢູ່ລະດັບຕ່ຳສຸດໃນຊົນນະບົດຢ່າງຮອບດ້ານ
cri
Author: da
ຕາມຂ່າວສານຊິນຮວາ:ທ່ນາຫູຈິນທາວ ປະທານປະເທດຈີນກ່າວວ່າ, ປີນີ້ ຈີນຈະສ້າງລະບອບຮັບປະກັນຊີວິດການເປັນຢູ່ລະດັບຕ່ຳສຸດໃນຊົນນະບົດຢ່າງຮອບດ້ານ,ຕັ້ງໜ້າຊອກຄົ້ນສ້າງລະບອບຮັບປະກັນການລ້ຽງດູເບິ່ງແຍງຜູ່ເຖົ້າຊົນນະບົດ.
ກອງປະຊຸມສະພາປະຊາຊົນແຫ່ງຊາດຈີນພວມຈັດຂຶ້ນຢູ່ປັກກິ່ງ.ວັນທີ 9 ມີນານີ້ ໃນເວລາຫາລືກັບຜູ່ແທນປະຊາຊົນແຂວງກວາງຊີ ທ່ານຫູຈິນທາວໄດ້ສະແດງຄວາມເອົາໃຈໃສ່ໂດຍພິເສດຕໍ່ບັນຫາຊາວກະສິກອນ ຊົນນະບົດແລະກະສິກຳ.ທ່ານກ່າວວ່າ,ໃນບໍ່ເທົ່າໃດປີມານີ້,ລັດຖະບານຈີນໄດ້ປະກາດໃຊ້ນະໂຍບາຍແລະມາດຕະການທີ່ຊ່ອຍເຫຼືອແລະສະໜອງຜົນປະໂຫຍດໃຫ້ຊາວກະສິກອນຢ່າງເປັນລະບົບ.ສະຖານະການລວມໃນຊົນນະບົດແມ່ນດີຢູ່.ແຕ່ພື້ນຖານກະສິກຳອ່ອນແອ,ຊາວກະສິກອນມີລາຍໄດ້ເພີ່ມຂຶ້ນຍາກ ແລະບັນຫາອື່ນໆຍັງພົ້ນເດັ່ນຢູ່.
ທ່ານຫູຈິນທາວກ່າວວ່າ,ປີນີ້ ຈີນຈະສ້າງລະບອບຮັບປະກັນຊີວິດການເປັນຢູ່ລະດັບຕ່ຳສຸດໃນຊົນນະບົດຢ່າງຮອບດ້ານ.ທ່ານຍັງກ່າວວ່າ,ໃນຕໍ່ໜ້ານີ້ ຈີນຈະຍ້າຍຈຸດໜັກຂອງການກໍ່ສ້າງພື້ນຖານໂຄງລ່າງແລະພັດທະນາວຽກງານສັງຄົມໄປຢູ່ຊົນນະບົດ,ເລັ່ງລັດພັດທະນາວຽກງານສາທາລະນະເຊັ່ນການສຶກສາຊົນນະບົດ ສາທາລະນະສຸກ ວັດທະນະທຳ ແລະວິທະຍຸໂທລະພາບ,ສ້າງລະບົບຮັບປະກັນສັງຄົມທີ່ບໍລິການປະຊາຊົນໃນຕົວເມືອງແລະຊົນນະບົດເປັນເທື່ອລະກ້າວ.
|
|
|
