|
|
 |
| (GMT+08:00)
2007-03-12 20:58:47
|
 |
|
ຜູ້ນຳຈີນເຂົ້າຮ່ວມການພິຈາລະນາຂອງບາງຄະນະທີ່ເຂົ້າຮ່ວມກອງປະຊຸມສະພາປະຊາຊົນແຫ່ງຊາດຈີນ
cri
Author: mo
ຕາມຂ່າວCRI：ວັນທີ 12 ມີນານີ້, ກອງປະຊຸມປະຈຳປີຂອງສະພາຜູ້ແທນປະຊາຊົນແຫ່ງຊາດຈີນ ເຊິ່ງເປັນອົງການອຳນາດສູງສຸດຂອງຈີນສືບຕໍ່ຈັດຂຶ້ນຢູ່ປັກກິ່ງ. ຜູ້ນຳພັກແລະລັດຈີນຄືທ່ານອູປ່າງໂກະ ທ່ານເວີ່ນເຈຍປາວ ທ່ານລີສາງຊຸນ ແລະທ່ານໂລກ້ານໄດ້ແຍກອອກເຂົ້າຮ່ວມການພິຈາລະນາຂອງແຂວງຢຸນນານ ແຂວງເຫີນານ ແຂວງຫູເປ ແລະແຂວງເຮີ່ຍລົງຈ່ຽງ. ໄດ້ແລກປ່ຽນຄວາມເຫັນກ່ຽວກັບວຽກງານຂອງສະພາຜູ້ແທນປະຊາຊົນແຫ່ງຊາດຈີນພ້ອມດ້ວຍຄະນະປະຈຳ, ແລະບັນຫາພັດທະນາກະສິກຳເປັນຕົ້ນ.
ພາຍຫຼັງຮັບຟັງການສຳຫຼວດພິຈາລະນາຂອງຜູ້ແທນແຂວງຢຸນນານທີ່ມີຕໍ່ບົດລາຍງານວຽກງານຂອງຄະນະປະຈຳສະພາປະຊາຊົນແຫ່ງຊາດຈີນ, ທ່ານອູປ່າງໂກະກ່າວເນັ້ນວ່າ, ວຽກງານຕິດຕາມກວດກາຂອງສະພາປະຊາຊົນຕ້ອງເພີ່ມທະວີລັກສະນະແນໃສ່ແລະຕ້ອງບັງເກີດຜົນກວ່າເກົ່າ, ຊຸກຍູ້ການແກ້ໄຂບັນຫາທົ່ວໄປແລະບັນຫາຈຸດສຸມ.
ແຂວງເຫີນານແມ່ນແຂວງໃຫຍ່ດ້ານກະສິກຳຢູ່ພາກກາງຂອງຈີນ. ໃນເວລາເຂົ້າຮ່ວມການສຳຫຼວດພິຈາລະນາຂອງຄະນະຜູ້ແທນແຂວງດັ່ງກ່າວ, ທ່ານເວີ່ນເຈຍປາວໄດ້ເນັ້ນໜັກຄວາມສຳຄັນຂອງວຽກງານກະສິກຳ ຊົນນະບົດແລະຊາວກະສິກອນ. ທ່ານຊີ້ອອກວ່າ, ກະສິກຳແມ່ນພື້ນຖານຂອງເສດຖະກິດແຫ່ງຊາດ, ໄດ້ພົວພັນເຖິງແຜນນະໂຍບາຍໃຫຍ່ແຫ່ງຊາດ ຊີວິດການເປັນຢູ່ຂອງປະຊາຊົນ, ແລະສະຖຽນລະພາບຂອງສັງຄົມ. ຖ້າເສດຖະກິດຈີນເກີດມີບັນຫາ, ອາດຈະແມ່ນເກີດຈາກກະສິກຳໂດຍສະເພາະແມ່ນເລີ່ມຈາກການຜະລິດທັນຍາຫານ, ຕໍ່ເລື່ອງນີ້, ຈະປະໝາດບໍ່ໄດ້ຢ່າງເດັດຂາດ. ທ່ານຮຽກຮ້ອງແຂວງເຫີນານພ້ອມດ້ວຍແຂວງຕ່າງໆທົ່ວປະເທດຜັນຂະຫຍາຍນະໂຍບາຍແລະມາດຕະການຕ່າງໆທີ່ສະໜັບສະໜູນກະສິກຳນັ້ນໃຫ້ດີ.
|
|
|
