ຕາມ​ຂ່າວສານ​ຊິນ​ຮວາ:​ເມືອງ​ຊື້​ຂາຍ​ໝາກ​​ໄມ້​ຈີນ-​ອາຊ​ຽນທີ່​ຈະ​ລົງທຶນ640​ລ້ານ​ຢວນ,​ແລະ​ມີມູນ​ຄ່າ​ການ​ຊື້​ຂາຍ​20​ຕື້​ຢວນຕໍ່​ປີນັ້ນ​ມີຄວາມ​ໝາຍຈະ​ສ້າງ​ຕັ້ງ​ຂຶ້ນ​ຢູ່​ເມືອງ​​ທານ​ໂລ້ ​ນະຄອນ​ນານ​ນີງ​ເທດສະບານ ​ເຂດ​ກວາງຊີ ພາກ​ຕາ​ເວັນ​ຕົກສ​ຽງ​ໃຕ້​ຂອງ​ຈີນ​ໃນ​ປີ​ນີ້.

ວັນ​ທີ12​ມີນາ​ນີ້,ອົງການ​ປົກຄອງ​ເມືອ​ງ​​ທານໂລ້​ໄດ້​​ແຈ້ງຂ່າວ​ດັ່ງກ່າວນີ້.

ເຈົ້າ​ໜ້າ​ທີ່​ຂອງ​ອົງການ​ປົກຄອງ​​ເມືອງ​ທານ​ໂລ້​​​ແຈ້ງວ່າ,ໃນ​ໄລຍະ​ຍາວ​ນານ​ມາ​ນີ້,ອຸດສາ​ຫະກຳ​ໝາກ​ໄມ້ແມ່ນ​ຂະ​ແໜງສຳຄັນ​​ໃນ​ການ​ຄ້າ​ຈີນ​ກັບ​ອາຊຽນ.ການ​ກໍ່​ສ້າງ​ເມືອງ​ຊື້​ຂາຍ​ໝາກ​ໄມ້​ຂະໜາດ​ໃຫຍ່​ທີ່​ມຸ່ງ​ໜ້າ​ໄປ​ສູ່ອາ​ຊຽນແຫ່ງ​ໜຶ່ງຢູ່​ເຂດ​ກວາງ​ຊີນັ້ນ,ຈະ​ຊຸກ​ຍູ້​ຕື່ມອີກ​ໃຫ້​ຈີນ​ກັບປະ​ເທດ​ອາຊຽນ​ຕ່າງໆ​ບຸກ​ເບີກ​ແລະພ້ອມ​ກັນ​ຊົມ​ໃຊ້​ຊັບພະຍາ​ກອນອຸດ​ສາຫະ​ກຳທີ່​ກ່ຽວຂ້ອງ ຕື່ມ​ອີກ,​ແລະ​ຂະຫຍາຍ​ຕະ​ຫຼາດ​ຕື່ມ​ອີກ.

ຕົວ​ເລກ​ສະຖິຕິ​ຫຼ້າ​ສຸດ​ຂອງ​ກະຊວງ​ການ​ຄ້າຈີນ​ສະ​ແດງ​ໃຫ້​ເຫັນ​ວ່າ,​ນັບ​ມາ​ຮອດ​ທ້າຍ​ປີ​2006,ມູນ​ຄ່າ​ການ​ຄ້າ​ລະ​ຫວ່າງ​ຈີນ​ກັບ​ອາຊ​ຽນ​ບັນລຸ160ຕື້​800ລ້ານ​ໂດ​ລາ,​ເພິ່ມຂຶ້ນ​23%​ເມື່ອ​ທຽບ​ກັບ​ໄລຍະ​ດຽວ​ກັນ​ຂອງ​ປີ2005.