|
|
 |
| (GMT+08:00)
2007-03-13 17:21:48
|
 |
|
ຈີນອັງກິດອວຍພອນການສ້າງການພົວພັນການທູດຂັ້ນເອກອັກຄະລັດຖະທູດຄົບຮອບ 35 ປີ
cri
Author: MO
ຕາມຂ່າວສານຊີນຮວາ: ວັນທີ 13 ມີນານີ້, ທ່ານເວີ່ນເຈຍປາວ ນາຍົກລັດຖະມົນຕີຈີນແລະທ່ານໂທນີ ແບຼ ນາຍົກລັດຖະມົນຕີອັງກິດຕ່າງໄດ້ສົ່ງໂທລະເລກໃຫ້ແກ່ກັນ, ເພື່ອອວຍພອນສອງປະເທດສ້າງການພົວພັນການທູດຂັ້ນເອກອັກຄະລັດຖະທູດຄົບຮອບ 35 ປີ.
ໃນໂທລະເລກອວຍພອນຂອງທ່ານເວີ່ນເຈຍປາວຂຽນວ່າ, ໃນ 35 ປີມານີ້, ການພົວພັນຈີນອັງກິດໄດ້ຂະຫຍາຍຕົວຢ່າງບໍ່ຢຸດຢັ້ງ. ໂດຍສະເພາະແມ່ນນັບແຕ່ສອງປະເທດສ້າງການພົວພັນຄູ່ຮ່ວມມືຍຸດທະສາດຮອບດ້ານເມື່ອປີ 2004 ເປັນຕົ້ນມາ, ໄດ້ດຳເນີນການຮ່ວມມືຮອບດ້ານໃນຫຼາຍຂົງເຂດ.
ໃນໂທລະເລກອວຍພອນຂອງທ່ານແບຼຂຽນວ່າ, ຄວາມກວ້າງແລະຄວາມເລິກຂອງການພົວພັນອັງກິດຈີນໃນປັດຈຸບັນໄດ້ລື່ນກາຍທຸກສະໄໝທີ່ຜ່ານມາ. ຜົນສຳເລັດທີ່ຮົງກົງໄດ້ຮັບໃນ 10 ປີນັບແຕ່ກັບຄືນສູ່ຈີນຢ່າງເປັນທາງການນັ້ນໄດ້ຢັ້ງຢືນເຖິງຜົນສຳເລັດຂອງນະໂຍບາຍ"ປະເທດດຽວສອງລະບອບ"ຢ່າງເຕັມສ່ວນ. ອັງກິດຊົມເຊີຍຈີນເສີມຂະຫຍາຍບົດບາດນັບມື້ນັບສຳຄັນຢູ່ເທິງເວທີສາກົນ.
ມື້ດຽວກັນ, ທ່ານລີຈ້າວຊິງ ລັດຖະມົນຕີການຕ່າງປະເທດຈີນແລະທ່ານມາກາເລັດ ເບເຄັດ ລັດຖະມົນຕີການຕ່າງປະເທດອັງກິດກໍໄດ້ສົ່ງໂທລະເລກອວຍພອນໃຫ້ແກ່ກັນ.
|
|
|
