|
|
 |
| (GMT+08:00)
2007-03-15 11:52:05
|
 |
|
ກອງປະຊຸມຄັ້ງທີ 5 ຂອງສະພາປຶກສາການເມືອງປະຊາຊົນແຫ່ງຊາດຈີນສະໄໝທີ 10 ອັດລົງ
cri
Author: cai
ຕາມຂ່າວCRI:ຕອນເຊົ້າວັນທີ 15 ມີນານີ້,ກອງປະຊຸມຄັ້ງທີ 5 ຂອງສະພາປຶກສາການເມືອງປະຊາຊົນແຫ່ງຊາດຈີນສະໄໝທີ 10 ທີ່ຈັດຢູ່ປັກກິ່ງໄດ້ອັດລົງແລ້ວ.ນັບມາຮອດປະຈຸບັນ,ສະພາປຶກສາການເມືອງປະຊາຊົນແຫ່ງຊາດຈີນທີ່ເປັນອົງການຫາລືແລະໃຫ້ຄຳປຶກສາສູງສຸດຂອງຈີນໄດ້ສິ້ນສຸດກອງປະຊຸມປະຈຳປີທີ່ໄດ້ດຳເນີນມາເປັນເວລາ 12 ມື້.
ທ່ານເຈຍຊີ້ງລີນ ປະທານສະພາປຶກສາການເມືອງປະຊາຊົນແຫ່ງຊາດຈີນໄດ້ນັ່ງເປັນປະທານພິທີອັດກອງປະຊຸມ.ກອງປະຊຸມຊີ້ອອກວ່າ,ໃນປີໃໝ່ນີ້,ສະພາປຶກສາການເມືອງປະຊາຊົນຈີນຈະສະເໜີຂໍ້ສະເໜີແລະນະໂຍບາຍທີ່ດີໃຫ້ແກ່ການຊຸກຍູ້ການພັດທະນາຂອງເສດຖະກິດແລະສັງຄົມໃຫ້ເຂົ້າສູ່ໂຄຈອນພັດທະນາຢ່າງວິທະຍາສາດແລະບັນລຸການພັດທະນາທັງດີທັງໄວ;ຕ້ອງເອົາໃຈໃສ່ຊີວິດການເປັນຢູ່ຂອງປະຊາຊົນຫຼາຍກວ່າເກົ່າ,ສ່ອງແສງຄວາມປາຖະໜາແລະຄວາມຮຽກຮ້ອງຕ້ອງການຂອງປະຊາຊົນຢ່າງທັນການ,ຊ່ວຍລັດຖະບານຈີນລະດົມການເຂົ້າຮ່ວມຢ່າງຫ້າວຫັນແລະຫົວຄິດປະດິດສ້າງຂອງປະຊາຊົນອັນໄພສານຢ່າງສຸດຂີດ,ແກ້ໄຂບັນຫາຜົນປະໂຫຍດທີ່ປະຊາຊົນເອົາໃຈໃສ່ກວ່າໝູ່ ໂດຍກົງກວ່າໝູ່ແລະຖືກຕ້ອງຕາມຄວາມຈິງກວ່າໝູ່ໃຫ້ດີ;ຕ້ອງສາມັກຄີພີ່ນ້ອງຮ່ວມຊາດຢູ່ພາຍໃນປະເທດແລະຢູ່ຕ່າງປະເທດຢ່າງກວ້າງຂວາງ,ປະກອບສ່ວນເຂົ້າໃນການໂຮມປະເທດຊາດເຂົ້າເປັນເອກະພາບຢ່າງຄົບຖ້ວນແລະຄວາມຈະເລີນຮຸ່ງເຮືອງອັນຍິ່ງໃຫຍ່ຂອງປະຊາຊາດຈີນ.
ພາຍຫຼັງກອງປະຊຸມໄດ້ອັດລົງ,ຍັດຕິ 4200 ກວ່າສະບັບຈະຖືກສົ່ງໃຫ້ລັດຖະບານເພື່ອແກ້ໄຂ.ຍັດຕິເຫຼົ່ານີ້ກ່ຽວພັນເຖິງດ້ານຕ່າງໆຂອງການສ້າງສາເສດຖະກິດ ການເມືອງ ວັດທະນະທຳແລະສັງຄົມ.ຍັດຕິໄດ້ສະແດງໃຫ້ເຫັນວ່າ,ກຳມະການທັງຫຼາຍເອົາໃຈໃສ່ທີ່ສຸດນຳການແກ້ໄຂບັນຫາຊີວິດການເປັນຢູ່ຂອງປະຊາຊົນແລະການເພີ່ມທະວີການສ້າງສາລະບອບກົດໝາຍ.
ຜູ້ນຳພັກລັດຈີນຄືທ່ານຫູຈີນທ່າວ ທ່ານອູປາງໂກ ທ່ານເວີ່ນເຈ່ຍປາວເປັນຕົ້ນໄດ້ເຂົ້າຮ່ວມໃນພິທີອັດກອງປະຊຸມ.
|
|
|
