|
|
 |
| (GMT+08:00)
2007-03-15 18:20:10
|
 |
|
ກອງປະຊຸມຄັ້ງທີ5ສະໄໝທີ10ຂອງສະພາຜູ້ແທນປະຊາຊົນແຫ່ງຊາດຈີນໄດ້ຮັບຍັດຕິ796ສະບັບ
cri
ຕາມຂ່າວCRI,ກອງປະຊຸມຄັ້ງທີ5ສະໄໝທີ10ຂອງສະພາຜູ້ແທນປະຊາຊົນແຫ່ງຊາດຈີນໃກ້ຈະສິ້ນສຸດລົງແລ້ວ,ໃນໄລຍະປະຊຸມ,ມີຜູ້ແທນສະພາປະຊາຊົນເກືອບ3000ຄົນໄດ້ສະເໜີຍັດຕິ796ສະບັບ,ສ່ວນຫຼາຍແມ່ນຍັດຕິກົດໝາຍ.
ວັນທີ15ມີນານີ້,ທ່ານເຊິ້ງຮວາເຢິນ ຮອງເລຂາທິການຂອງກອງປະຊຸມຄັ້ງນີ້ໄດ້ແຈ້ງສະພາບດັ່ງກ່າວໃນກອງປະຊຸມຄະນະປະທານຂອງກອງປະຊຸມຄັ້ງນີ້.
ທ່ານເຊິ້ງຮວາເຢິນເວົ້າວ່າ,ຍັດຕິເຫຼົານີ້ແມ່ນສະເໜີອອກໂດຍຜ່ານການສຳຫຼວດຄົ້ນຄວ້າຫຼາຍເທື່ອຕາມຄວາມຕ້ອງການຕົວຈິງ;ຍັດຕິສ່ວນຫຼາຍແມ່ນກ່ຽວພັນເຖິງການເພີ່ມທະວີການສ້າງກົດໝາຍໃນຂົງເຂດສັງຄົມ,ແລະສ່ວນຫຼາຍມີແຜນການລະອຽດ.ທ່ານເຫັນວ່າ,ເນື້ອໃນຂອງຍັດຕິເຫຼົ່ານີ້ຄົບຖ້ວນແລະຖືກຂັ້ນຕອນກວ່າເກົ່າ,ນີ້ສະແດງໃຫ້ເຫັນວ່າ,ສະຕິຮັບຜິດຊອບຂອງຜູ້ແທນປະຊາຊົນໄດ້ເພີ່ມຫຼາຍຂຶ້ນຕື່ມອີກ,ຄວາມສາມາດປະຕິບັດພາລະໜ້າທີ່ຕາມກົດໝາຍໄດ້ສູງຂຶ້ນໂດຍທົ່ວໄປ.
ທ່ານເຊິ້ງຮວາເຢິນກ່າວເນັ້ນວ່າ,ສະພາຜູ້ແທນປະຊາຊົນແຫ່ງຊາດຈີນກໍຄືຄະນະປະຈຳສະພາຄວນຍົກຄຸນນະພາບແຫ່ງການພິຈາລະນາຍັດຕິໃຫ້ສູງຂຶ້ນຕື່ມອີກ,ໃນຂະບວນການກຳນົດແຜນການນິຕິບັນຍັດປະຈຳປີ ຮ່າງກົດໝາຍແລະປັບປຸງຮ່າງກົດໝາຍນັ້ນ,ຕ້ອງຮັບຟັງຄວາມເຫັນຂອງຜູ້ແທນຢ່າງເຕັມສ່ວນ.
|
|
|
