|
|
 |
| (GMT+08:00)
2007-03-19 20:00:15
|
 |
|
ການເຈລະຈາຫົກຝ່າຍຮອບ6ກ່ຽວກັບບັນຫານີວເຄຼຍແຫຼມເກົາຫຼີເລີ່ມຂຶ້ນ
cri
ຕາມຂ່າວCRI,ການເຈລະຈາຫົກຝ່າຍຮອບ6ກ່ຽວກັບບັນຫານີວເຄຼຍແຫຼມເກົາຫຼີເລີ່ມຈັດຂຶ້ນຢູ່ຫໍໂກວປິ່ນກວນຕ້ຽວຢູຖາຍທີ່ປັກກິ່ງໃນວັນທີ19ມີນານີ້.
ຕອນເຊົ້າມື້ດຽວກັນ,ຫົກຝ່າຍໄດ້ຈັດກອງປະຊຸມຫົວໜ້າຄະນະຜູ່ແທນກ່ອນ,5ໜ່ວຍງານໄດ້ລາຍງານສະພາບຄືບໜ້າຂອງໃຜລາວໃນການປະຕິບັດມາດຕະການໄລຍະເບື້ອງຕົ້ນຕໍ່ຫົວໜ້າຄະນະຜູ່ແທນຫົກຝ່າຍ.
ໃນພິທີໄຂງານ ທ່ານອູຕ້າເຫວີຍ ປະທານການເຈລະຈາ 6 ຝ່າຍຮອບ 6 ຫົວໜ້າຄະນະຜູ່ແທນຈີນກ່າວວ່າ,ກອງປະຊຸມຄັ້ງນີ້ຈະລົງເລິກຫາລື 3 ບັນຫາຄື:ໜຶ່ງຮັບຟັງສະພາບຄວາມຄືບໜ້າຂອງການລາຍງານຂອງໜ່ວຍງານຕ່າງໆ,ສອງຫາລືບາດກ້າວລະອຽດຂອງການປະຕິບັດການເຄື່ອນໄຫວເລີ່ມຕົ້ນ,ສາມຄົ້ນຄວ້າໃນເບື້ອງຕົ້ນກ່ຽວກັບການເຄື່ອນໄຫວໃນໄລຍະຕໍ່ໄປທີ່ຝ່າຍຕ່າງໆກະກຽມຫຼືຈະດຳເນີນ.ມື້ດຽວກັນ,ຢູ່ປັກກິ່ງ ທ່ານເດນິວ ກຼາເຊີ ຜູ່ຊ່ວຍລັດຖະມົນຕີຊ່ວຍວ່າການກະຊວງການເງິນອາເມລິກາໄດ້ແຈກຢາຍຖະແຫຼງການຂອງກະຊວງການເງິນອາເມລິກາໂດຍກ່າວວ່າ,ອາເມລິກາກັບສປປເກົາຫຼີໄດ້ກ້າວເຖິງຂັ້ນມີຄວາມເປັນເອກະພາບກັນກ່ຽວກັບບັນຫາງົດເງິນ. ຫາງສຽງເຫັນວ່າ,ການກະທຳດັ່ງກ່າວຂອງ ສປປເກົາຫຼີແລະອາເມລິກາໄດ້ລົບລ້າງອຸປະສັກໃຫຍ່ເພື່ອໃຫ້ການເຈລະຈາຫົກຝ່າຍໄດ້ຮັບຄວາມຄືບໜ້າ.
ນອກຈາກໄດ້ຈັດກອງປະຊຸມຫົວໜ້າຄະນະຜູ່ແທນແລ້ວ,ອາເມລິກາກັບຣັດເຊຍ,ອາເມລິກາກັບສປປເກົາຫຼີແລະຣັດເຊຍກັບຍີ່ປຸ່ນຕ່າງໄດ້ຈັດການເຈລະຈາສອງຝ່າຍໃນຕອນບ່າຍວັນທີ19ມີນານີ້.
|
|
|
