|
|
 |
| (GMT+08:00)
2007-03-20 14:17:59
|
 |
|
ມື້ທີສອງຂອງການເຈລະຈາຫົກຝ່າຍຮອບ 6 ຈະຫາລືບາດກ້າວລະອຽດໃນການຜັນຂະຫຍາຍແຜນການເບື້ອງຕົ້ນ
cri
Author: sayvanny
ຕາມຂ່າວ cri:ວັນທີ 20 ມີນານີ້, ການເຈລະຈາຫົກຝ່າຍກ່ຽວກັບບັນຫານິວເຄຼຍແຫລມເກົາຫລີຮອບ 6 ໄດ້ສືບຕໍ່ຈັດຂຶ້ນຢູ່ປັກກິ່ງ.ການເຈລະຈາໃນມື້ນີ້ສຳຄັນແມ່ນຈະຫາລືບາດກ້າວລະອຽດໃນການຜັນຂະຫຍາຍແຜນການເບື້ອງຕົ້ນ.
ຕາມທີ່ຊາບ, ການເຈລະຈາໃນຕອນເຊົ້າວັນທີ 20 ມີນານີ້ສຳຄັນແມ່ນການປຶກສາຫາລືກັນສອງຝ່າຍ,ຕອນບ່າຍຈະຈັດກອງປະຊຸມຫົວຫນ້າຄະນະຜູ່ແທນ.
ກອງປະຊຸມຫົກຝ່າຍຮອບນີ້ໄດ້ເລີ່ມຈັດຂຶ້ນໃນວັນທີ 19 ມີນາ, ໃນພິທີໄຂກອງປະຊຸມ, ທ່ານອູຕ້າເວີຍ ປະທານການເຈລະຈາຫົກຝ່າຍ ຫົວຫນ້າຄະນະຜູ່ແທນຈີນຮຽກຮ້ອງໃຫ້ຝ່າຍຕ່າງໆຈົ່ງເຂົ້າຮ່ວມກອງປະຊຸມດ້ວຍທ່າທີຄ່ອງແຄ້ວ ຕິດແທດຕົວຈິງແລະມີລັກສະນະສ້າງສັນ.ກອງປະຊຸມໃນວັນທີ 19 ໄດ້ຮັບຟັງການລາຍງານກ່ຽວກັບຄວາມຄືບຫນ້າດ້ານວຽກງານຂອງຫນ່ວຍງານຕ່າງໆ.ມື້ດຽວກັນ, ຝ່າຍອາເມລິກາປະກາດວ່າ, ອາເມລິກາແລະສປປເກົາຫລີໄດ້ກ້າວເຖິງຂັ້ນມີຄວາມເຂົ້າໃຈກັນກ່ຽວກັບບັນຫາເງິນທີ່ຖືກກັກຂອງສປປເກົາຫລີໃນທະນາຄານເດຣຕາອາຊີ.
|
|
|
